160 total views
Inaanyayahan ng Church People Workers Solidarity o CWS ang mga Pilipino, lalu na ang mga manggagawa sa digital sector na makiisa sa idadaos na ‘Digital Workers Forum’ ika-18 ng Hulyo 2026 sa Obispo de Cubao Building, Our Lady of the Immaculate Conception Cathedral Room A, 41 Lantana Street, Cubao Quezon City.
Ayon sa CWS at mga katuwang na organisasyon, bukas para sa lahat ang digital forum at libreng makakapasok o makikibahagi ang mga magtutungo upang matutunan ang mahahalagang paksang tatalakayin.
Tatalakayin sa forum ang paksang “Church Workers in the Age of AI: A deeper reflection on Pope Leo XIV’s Encyclical ‘Magnifica Huminatas'”.
Layon nito na patuloy na isulong ang dangal o dignidad ng tao sa paggawa higit na ngayong patuloy na nanganganib ang maraming kabuhayan dahil sa pagtangkilik ng maraming employers sa Artificial Intillegence o AI sa halip na magbigay ng trabaho sa tao.
“Artificial intelligence is rapidly changing the BPO industry. From AI-powered customer service to automated workflows and performance monitoring, digital workers are experiencing the impact of these technologies every day. While AI promises innovation, it also raises urgent questions about job security, workers’ rights, human dignity, and the future of work: Register here: https://forms.gle/TYqTB7KgVC926UB47 ” ayon sa mensahe ng CWS na pinadala sa Radyo Veritas.
Katuwang naman ng CWS sa gawain ang Ecumenical Institute for Labor Education and Research o EILER, BPO Industry Employees Network o BIEN Pilipinas at Ecumenical Bishops’ Forum o EBF.
Sa kauna-unang ensiklikal ni Pope Leo XIV na Magnifica Humanitas ay tinalakay ng Santo Papa ang kahalagahan ng pagsisilbi ng AI para sa tao na dapat magsilbi tungo sa pagpapaunlad ng buhay at higit na pagpapalaganap ng pananampalataya.
Ayon naman sa mga pag-aaral ng Internaltion Labor Organization, bagamat hindi kagyat na mawawalan ng trabaho ang maraming manggagawa ay nanganganib na mapahina o maapektuhan ng Generative AI ang kabuhayan ng may 80-milyong manggagawa sa buong mundo.
