325 total views
May 29, 2020, 12:25AM
Binigyang diin ng bagong talagang katuwang na Obispo ng Arkidiyosesis ng Zamboanga na ang kanyang pagkahirang ay biyayang kaloob ng Panginoon.
Ayon kay Bishop – elect Fr. Moises Cuevas, buong puso nitong tinatanggap ang panibagong misyon sa simbahang katolika na mangangalaga sa kawan ng Diyos.
“My heart is filled with deep gratitude for this gift of episcopacy. Certainly it’s not about me, it’s about God. This gift is a celebration of God’s greatness and goodness and using the words of the Blessed Mother in the Magnificat: “My soul proclaims the greatness of the Lord. My spirit rejoices in God my savior,” pahayag ni Bishop-elect Cuevas sa Radio Veritas.
Aniya, bagamat hindi ito karapat-dapat sa biyayang handog, labis ang pasasalamat ni Bishop-elect Cuevas sa Panginoon sapagkat siya ay pinili na maging kabilang sa mga pastol ng Kanyang kawan.
Dahil dito buong kababaang loob itong tatanggapin nang may pagtitiwala sa Diyos na gagabay sa paninilbihan sa arkidiyosesis.
“I can only respond to receive it with humble trust in Jesus knowing that everything in life is a gift from God,” dagdag pa ni Bishop-elect Cuevas.
Nakatakda ang episcopal ordination ni Bishop – elect Cuevas sa ika – 24 ng Agosto ganap na alas 9 ng umaga sa Metropolitan Cathedral of the Immaculate Conception sa Zamboanga City.
Magiging Principal consecrator si Zamboanga Archbishop Romulo dela Cruz habang co-consecrator naman sina Ozamis Archbishop Martin Jumoad at Ipil Bishop Julius Tonel.
Dalangin ng obispo na nawa’y manumbalik na sa normal ang sitwasyon ng bansa at mapahintulutan na ang pagdiriwang ng Banal na Misa upang makadalo ang mananampalataya ng Zamboanga sa kanyang ordinasyon.
Tiniyak din nito sa publiko na gagampanan ang kanyang tungkulin bilang pasasalamat sa Diyos sa kaloob na bokasyon at pagmimisyon.
“So I will exercise this episcopal ministry to praise and thank God all my life,” dagdag ng obispo.
Matatandaang ika – 19 ng Marso nang hirangin ng Kanyang Kabanalan Francisco si Bishop-elect Cuevas bilang katuwang na obispo ng arkidiyosesis na may higit sa kalahating milyong Katoliko.
