11,034 total views
Inilathala ni Diocese of Assisi Italy Bishop Domenico Sorrentino ang librong ‘Carlo Acutis in the footsteps of Francis and Clare of Assisi’.
Ito ay upang maibahagi sa mundo ang kuwento ng buhay ng tatlong banal na sina Saint Francis, Saint Clare of Assisi at kung paano sinimulan ni Blessed Carlo Acutis ang pagpapalaganap ng pananampalataya.
“Who is Carlo? A boy of our time, full of life and interests, passionate about computers, with a heart full of God and in love with Jesus Eucharist. Although he lived in Milan, he periodically resided in Assisi with his family, refining his spiritual journey in the footsteps of Francis and Clare. Three very different and original figures, distant in time, but united by a common thread that this book highlights,” ayon sa mensaheng pinadala ng Diocese of Assisi sa Radio Veritas.
Ayon kay Bishop Sorrentino, tinatalakay sa libro ang pananampalataya ni Blessed Acutis, kanyang relasyon pananalangin at relasyon kina Saint Francis at Clare upang mapalaganap ang pananampalataya.
Inaanyayahan ng Diocese of Italy ang pagbabasa ng libro upang higit na maintindihan ang kahalagahan ng pamumuhay ng mga banal katulad ng mga Santo ng simbahang katolika.
“‘Carlo Acutis in the footsteps of Francis and Clare of Assisi – Originals, not photocopies’ (Edizioni Francescane italiane, pp. 160) which explains the relationship of the Blessed with Saint Francis and Saint Clare, the bond with the city, the powerful unique message of evangelization that together they send to the world,” bahagi pa ng mensahe ng Diocese of Assisi sa Italy.
Si Saint Francis of Assisi ay mula sa Italya noong 1100s na kilala bilang patron ng mga hayop, kalikasan, at mahihirap, matapos tawagin ng Panginoon upang maglingkod ay iniwan ng Santo ang marangyang pamumuhay upang tularan ang Panginoong Hesukristo kasunod ng kaniyang pagtatag sa Order of Friars Minor.
Si Saint Clare of Assisi naman ay isa sa mga tagasunod ni Saint Francis na isinilang noong 1194 sa marangyang pamumuhay na kalaunan ay nilisan din ng Santo upang mamuhay ng simple at ilaan ang buhay sa paglilingkod sa mga dukha.
Itinatag din ni Saint Clare ang kongregasyon ng ‘Poor Clares’ ng mga Madreng namumuhay ng taimtim, banal, mahirap at tahimik.
Habang si Blessed Carlo Acutis ay isang batang Italyanong Katoliko na isinilang noong 1991 at namatay noong 2006 sa edad na 15 dahil sa leukemia at sa murang edad ay naging kilala si Blessed Acutis sa kaniyang pagpapagalaganap ng pananampalataya at pagdedebosyon gamit ang teknolohiya.
