8,745 total reads
Nagpahayag ng pagkabahala ang Advocates for National Interest o ANI kaugnay sa mahinang bersyon ng Anti-Political Dynasty Bill, mabagal na pag-usad ng malalaking kaso ng korapsyon, mga kontrobersiya sa impeachment, at patuloy na pagbaba ng tiwala ng publiko sa mga institusyon ng pamahalaan.
Ayon sa grupo na binubuo ng mga retiradong opisyal ng militar at iba’t ibang sektor ng lipunan, hindi sapat ang kasalukuyang panukalang anti-dynasty law upang masugpo ang konsentrasyon ng kapangyarihang pampulitika sa iilang pamilya.
Iginiit din ng ANI na dapat manatiling nakabatay sa Konstitusyon, ebidensya, at rule of law ang impeachment process at hindi magamit para sa partisanong interes o proteksiyong pampulitika.
“ANI members expressed concern that impeachment, as a constitutional mechanism intended to uphold accountability and preserve the integrity of public office, is increasingly being viewed by many Filipinos as vulnerable to political maneuvering, selective action, and partisan interests. The group emphasized that impeachment proceedings must never be used as instruments of political persecution nor as shields for political protection. Instead, they must remain firmly anchored on constitutional processes, evidence, fairness, transparency, and the rule of law.” Bahagi ng pahayag ng ANI.
Nagpahayag din ang grupo ng pag-aalala sa mabagal na pag-usad ng mga kaso kaugnay ng umano’y anomalya sa flood control projects sa kabila ng bilyong pondong inilaan dito.
Binigyang-diin ng ANI na ang respeto sa mga institusyon ay hindi dapat hinihingi lamang kundi pinaghihirapan sa pamamagitan ng transparency, accountability, at tapat na paglilingkod sa bayan.
“ANI stressed that Congress and other public institutions must consistently uphold discipline, accountability, fairness, and the rule of law if they wish to regain the respect and trust of the Filipino people. Public office must never be treated as a means for personal enrichment, political survival, or the protection of allies. Public officials are expected to serve the nation with integrity, competence, and genuine commitment to the public good.” Dagdag pa ng grupong ANI.
Sa bahagi ng Simbahan una ng binigyang diin ng Catholic Bishops’ Conference of the Philippines – Episcopal Commission on Social Action, Justice and Peace, na ang tunay na lingkod-bayan ay dapat na inuuna ang kapakanan ng mamamayan kaysa pansariling interes at kapangyarihan, kung saan hindi nasusukat ang tunay na liderato sa popularidad sa halip ay sa tapat na paglilingkod na may pananagutan at pagiging bukas sa taumbayan.
