359 total views
Hiniling ng Alliance of Concerned Transport Organizations o ACTO sa pamahalaan na sa halip na phase-out dapat na lamang isailalim sa modernisasyon ang mga jeep na nasa 15 taon na pataas.
Ayon kay ACTO president Efren de Luna, hindi madali sa kanilang panig na basta na lamang tanggalin ang mga lumang jeep lalo na sa bawat unit nito 2 haggang 3 pamilya ang binubuhay.
Sinabi ng ACTO na sa modernisasyon, unti-unti nilang babaguhin at aayusin ang nasabing mga sasakyan.
Giit pa ni De Luna, kinakailangan na rin baguhin ang sistema ng transportasyon sa bansa.
“Sasang-ayon kami sa modernisasyon at nais namin na dapat baguhin ang sistema ng transportasyon sa bansa. Ayusin ang aming hiling dahil kami ay 15 taon ng naglingkod sa pamayanan at sa pahamahalaan na hindi na nabilang sa mga walang hanapbuhay. Namuhunan kami ng sarili namin para magkaroon ng trabaho. Sa bawat unit, 2-3 ang binubuhay niyan, kaya’t panawagan sa gobyerno bigyan kami ng pagkakataon na magpalit ng unti-unti yung gradual, kung medyo luma na at hindi maganda ang serbisyo, unti unti naming papalitan , at hindi yung sabay-sabay na tatangalin ang 15 taon pataas na jeep,” pahayag ni De Luna sa panayam ng Radio Veritas.
Sa ulat ng Alliance of Concerned Transport Organizations (ACTO) noong 2015, nasa mahigit 60,000 ang public utility jeepneys sa bansa.
