24,192 total reads
Tatalakayin sa isang international conference sa Rome, Italy kung paano makatutulong ang Catholic journalists at media professionals sa pagbuo ng tiwala at pagkakaisa sa Simbahan at lipunan.
Gaganapin ang Nurturing Unity Through Communication mula February 2 hanggang 4, 2027 sa Pontifical University of the Holy Cross sa Roma.
Ito ang ika-15 Professional Seminar for Church Communications Offices at inaasahang dadalo ang mahigit 500 Catholic communications professionals mula sa mga diyosesis, religious congregations at episcopal conferences.
Katuwang ng unibersidad sa pagdaraos ng conference ang Vatican Dicastery for Communication, kasama ang EWTN News, Rome Reports at Pontifical Mission Societies.
Tatalakayin sa pagtitipon ang tungkulin ng institutional communication sa pagsusulong ng pagkakaisa at pagkakasundo, kabilang ang paggamit ng social media at iba pang digital platforms.
Tatalakayin din ang mga hamon sa media, kabilang ang artificial intelligence o AI.
Nakatuon ang pagtitipon sa panawagan ni Pope Leo XIV na maging instrumento ng kapayapaan ang Catholic media at pairalin ang maingat, responsable at makataong paraan ng pakikipagkomunikasyon.
Bukas ang pagpapatala para sa mga nais na lumahok sa conference hanggang December 1, 2026.
