13,368 total reads
Itinalaga ng Papa Francisco si San Jose Nueva Ecija Bishop Roberto Mallari bilang ikaapat na obispo ng Diocese of Tarlac.
Inanunsyo ng santo papa ang appointment sa bagong obispo ng Tarlac nitong December 29 sa pagdiriwang ng kapistahan ng Sagrada Familia.
Si Bishop Mallari ang hahalili kay Bishop Enrique Macaraeg na pumanaw noong October 2023.
Tubong Pampanga ang obispo na nagtapos ng seminary formation sa San Carlos Seminary sa Makati City at inordinahang pari ng Archdiocese of San Fernando noong November 27, 1982.
January 14, 2006 nang italaga ni Pope Benedict XVI bilang katuwang na obispo ng San Fernando Pampanga at ginawaran ng episcopal ordination noong March 27, 2006.
Makalipas ang anim na taong pagiging auxiliary bishop ay itinalaga itong punong pastol ng Diocese of San Jose sa Nueva Ecija.
Ipapastol ni Bishop Mallari ang mahigit isang milyong katoliko ng Diocese of Tarlac sa humigit kumulang 60 mga parokya.
