Iginiit ng Santo Papa Francisco na tanging mga panalangin ang makapipigil sa karahasang nangyayari sa sanlibutan.
Ito ang bahagi ng mensahe ng santo papa sa nagpapatuloy na digmaan sa pagitan ng Israel at Hamas militant group sa Gaza gayundin sa iba pang bahagi ng daigdig.
“Prayer is the gentle and holy force to oppose the diabolical force of hatred, terrorism and war,” mensahe ni Pope Francis.
Nakiisa si Pope Francis sa panawagan ng simbahan sa Holy Land sa pagsasagawa ng pag-aayuno at pananalangin sa October 17 para sa natatanging intensyon na mawakasan ang digmaan sa Gaza.
Muling hiniling ng santo papa na pairalin at igalang ang humanitarian law lalo na sa sentro ng digmaan upang maging ligtas ang mga inosenteng indibidwal.
“I renew the appeal for the release of the hostages and I strongly ask that children, the sick, the elderly, women and all civilians are not victims of the conflict,” ani ng santo papa.
Nabahala si Pope Francis sa kalagayan ng 150 kataong hostage ng Hamas sa Gaza mula nang sumiklab ang kaguluhan sa lugar noong October 7.
Iginiit ng pinunong pastol ng simbahan na walang puwang sa lipunan ang anumang uri ng karahasan kaya’t dapat na magbuklod ang pamayanan tungo sa pagkakamit ng kapayapaan ng daigdig.
Sa kasalukuyang datos umabot na sa mahigit 3, 000 ang nasawi sa magkabilang panig habang libu-libo ang nasagutan kabilang na ang mga sibilyan.
Tiniyak din ng Catholic Bishops’ Conference of the Philippines ang mga panalangin para sa kaayusan ng Israel at Palestina gayundin sa 30, 000 Overseas Filipino Workers sa lugar habang hiniling ang panalangin para sa kaligtasan ng mahigit 50 Pilipinong kasapi ng Israel Defense Force na nakikipaglaban sa militanteng Hamas.
Reyn Letran - Ibañez
Thursday, August 6, 2026 1:22 pm
7 total views
Nagbabala ang Advocates of Science and Technology for the People (AGHAM) na dapat masusing pag-aralan ang Pax Silica dahil sa posibleng matinding epekto nito sa likas-yaman, mga komunidad, at sa tunay na pakinabang na matatanggap ng mga Pilipino.
Sa panayam sa programang Barangay Simbayanan ng Radio Veritas, sinabi ni Dr. Chuckie Calsado, chairperson ng AGHAM, na hindi lamang simpleng pagtatayo ng artificial intelligence (AI) hub ang saklaw ng Pax Silica kundi bahagi ito ng mas malawak na pandaigdigang plano upang matiyak ang suplay ng mahahalagang mineral para sa semiconductor at AI industries.
Ayon kay Calsado, mayaman ang Pilipinas sa mga mineral na kailangan sa makabagong teknolohiya ngunit nananatiling malaking tanong kung tunay bang makikinabang ang bansa sa naturang proyekto.
“So, kung nakaangkla ‘yung Pax Silica sa usapin ng mina, ano ‘yung magiging epekto nito sa kabuhayan at doon sa buhay ng mga tao sa ating mga komunidad?” Bahagi ng pahayag ni Calsado.
Binigyang-diin niya na batay sa karanasan ng bansa sa industriya ng pagmimina, kadalasang mga katutubo, magsasaka at mangingisda ang direktang naaapektuhan ng malawakang pagmimina at iba pang extractive industries.
Aniya, mula pa noong 2012 ay kabilang ang Pilipinas sa mga bansang may pinakamaraming paglabag sa karapatang pantao laban sa mga environmental defenders, habang nananatiling maliit lamang ang naiaambag ng pagmimina sa kabuuang ekonomiya ng bansa.
“For several years, ang maximum na na-receive natin sa GDP sa usapin ng mining ay 1%. So, tataas ba ‘to sa usapin ng Pax Silica? Pero kung tumaas man, again, babalikan natin ‘yung epekto dun sa ating mga communities.” Dagdag pa ni Calsado.
Iginiit din ng AGHAM ang pangangailangan ng higit na transparency mula sa pamahalaan kaugnay ng proyekto, kabilang ang paglalabas ng environmental impact studies at iba pang mahahalagang dokumento.
Isa rin sa ikinababahala ng grupo ang napakalaking pangangailangan ng AI data centers sa tubig at kuryente.
Ayon kay Calsado, batay sa kanilang pagsusuri, maaaring umabot sa humigit-kumulang pitong porsiyento ng kabuuang konsumo ng kuryente ng bansa ang kakailanganin ng planong AI hub sa Clark pa lamang, habang malaki rin ang magiging pangangailangan nito sa suplay ng tubig.
Nagbabala rin ang AGHAM na kung hindi malinaw ang plano ng pamahalaan, maaaring maapektuhan ang suplay ng tubig at iba pang pangunahing pangangailangan ng mga mamamayan lalo na sa gitna ng banta ng matinding El Niño ngayong taon.
“Saan natin kukunin ang lahat ng ito? Resource-intensive ‘tong AI centers natin, hyperscale data center na tinatawag. At kung tayo nga mismo ngayon, umuulan pero mababa pa rin ‘yung tubig sa Angat Dam, or every now and then napapadalas na ‘yung dry spells natin. At wala pa tayo sa kalakasan ng El Niño this year, so mababa na ‘yung tubig. What more if we put something that will require a lot of water?” Ayon pa kay Calsado.
Bukod sa usapin ng kalikasan, kinuwestiyon din ng grupo ang ipinapangakong libu-libong trabaho mula sa Pax Silica.
Ayon kay Calsado, mahalagang alamin hindi lamang ang dami kundi ang kalidad ng mga trabahong malilikha.
Ipinaliwanag ng AGHAM na sa mga AI data center, limitado lamang ang direktang empleyo dahil sa mataas na antas ng automation, habang nananatiling hindi tiyak kung magkakaroon ng tunay na technology transfer at pangmatagalang benepisyo para sa mga Pilipino.
“They are saying thousands of jobs. But the other question is, what is the quality? What kind of jobs?” Ani Calsado.
Para sa AGHAM, dapat tiyakin ng pamahalaan na ang anumang kasunduang may kaugnayan sa Pax Silica ay magbibigay ng tunay na pakinabang sa bansa at hindi lamang magbubukas ng mas malawak na eksploitasyon sa likas-yaman at lakas paggawa ng Pilipinas.
Kaugnay nito, paulit-ulit na binibigyang-diin ng Simbahang Katolika sa mga panlipunang katuruan nito, kabilang ang Laudato Si’ ni Pope Francis, na ang pag-unlad ay hindi dapat isulong kapalit ng pagkasira ng kalikasan at paglabag sa dignidad ng tao.
Hinimok ni Pope Leo XIV ang mga mananampalataya na muling tuklasin ang tunay na diwa ng panalangin sa gitna ng lumalawak na impluwensya ng teknolohiya, agham, at kulturang nakatuon sa konsumerismo.
Sa kanyang General Audience nitong Agosto 5 sa St. Peter’s Square, sinabi ng Santo Papa na unti-unting nawawala ang pagpapahalaga ng tao sa panalangin dahil sa pananaw ng makabagong lipunan at sa labis na pag-asa ng tao sa agham at teknolohiya.
“In our time, in contexts dominated by an efficiency-driven and consumerist mindset, prayer may seem pointless and trivial,” ayon kay Pope Leo XIV.
Ikinalungkot ng punong pastol na binabago ng agham at teknolohiya ang pananaw ng tao sa pananalangin.
“In a world where science and technology claim to provide all the answers, praying may appear to be a form of escapism,” aniya.
Nagbabala rin ang Santo Papa na maging sa loob ng mga pamilyang Kristiyano ay humihina na ang pagpapamana ng tradisyon ng pananalangin sa susunod na henerasyon.
Dahil dito, iginiit ni Pope Leo ang pangangailangang muling maunawaan ang tunay na kahalagahan ng panalangin bilang mahalagang bahagi ng buhay ng tao.
“Prayer, however, as a fundamental dimension of our humanity, is worth rediscovering in its true form,” giit ng Santo Papa.
Sa pagpapatuloy ng kanyang serye ng katesismo tungkol sa Sacrosanctum Concilium, ang Konstitusyon ng Ikalawang Konseho ng Vaticano hinggil sa Banal na Liturhiya, ipinaliwanag ni Pope Leo XIV na ang liturhiya ay pangunahing lugar ng pakikipagtagpo ng Diyos sa sangkatauhan sa pamamagitan ni Hesukristo.
Hinimok din ng pastol ang mga binyagan at mga pamayanang Kristiyano na higit pang isabuhay ang Liturgy of the Hours, na inilarawan niyang mahalagang panalangin ng Simbahan at dapat maging bahagi ng pang-araw-araw na buhay ng mga mananampalataya.
“Every week and every day, the Eucharist and the Liturgy of the Hours are the breath of the life of the Church,” ayon kay Pope Leo XIV.
Ayon kay Pope Leo XIV, sa pamamagitan ng panalangin ng Simbahan ay higit na naiuugnay ang bawat Kristiyano sa Misteryong Paskuwal ni Kristo at napapalalim ang kanilang pag-asa habang hinihintay ang maluwalhating pagbabalik ng Panginoon.
Magsasagawa si Pope Leo XIV ng 11-araw na Apostolic Journey sa Uruguay, Argentina, at Peru mula Nobyembre 6 hanggang 17, ayon sa inanunsyo ng Holy See Press Office.
Batay sa inilabas na schedule, bibisitahin ng Santo Papa ang Montevideo, Paysandú, at Florida sa Uruguay mula Nobyembre 6 hanggang 8. Susunod naman ang paglalakbay sa Buenos Aires, Córdoba, at Luján sa Argentina mula Nobyembre 8 hanggang 11, bago magtungo sa Lima, Chiclayo, Cusco, at Pucallpa sa Peru hanggang Nobyembre 17.
Itinuturing na makasaysayan ang pagbisitang ito, lalo na sa Uruguay na may pinakamababang porsiyento ng mga Katoliko sa buong Latin America, kung saan tinatayang nasa 36 porsiyento lamang ng populasyon ang kabilang sa Simbahang Katolika.
Magiging makahulugan rin ang pagdalaw ng Santo Papa sa Argentina, na siyang sinilangang-bayan ng yumaong Pope Francis. Sa kabila ng kanyang 12 taong panunungkulan bilang pinuno ng Simbahang Katolika, hindi nakabalik si Pope Francis sa kanyang sariling bansa bilang Santo Papa.
May natatanigi ring kaugnayan si Pope Leo XIV sa Peru, kung saan nagsimula ang kanyang gawaing misyonero noong dekada ’80. Dito rin siya nagsilbing obispo at kalaunan ay naging mamamayan ng naturang bansa.
Sa kabuuan, bibisita ang Santo Papa sa 10 lungsod sa loob ng 11 araw, bilang bahagi ng kanyang misyon na palakasin ang pananampalataya, hikayatin ang pagkakaisa ng Simbahan, at makipagtagpo sa mga mananampalataya sa iba’t ibang bahagi ng Latin America.
Ito ang magiging ikaanim na international apostolic journey ni Pope Leo XIV mula nang mahalal bilang Santo Papa.
43,316 total views Mga Kapanalig, karapatan ng bawat tao ang magkaroon ng disenteng tahanan. Para masabing disente, dapat itong sapat, ligtas, may seguridad, at nagbibigay-daan sa
76,994 total views Mga Kapanalig, mabuti pa si Japanese Ambassador to the Philippines na si Endo Kazuya, maraming pagpipiliang bahay dito sa Pilipinas. Sa isang privilege
109,014 total views Mga Kapanalig, isa sa mga umani ng masigabong palakpakan sa State of the Nation Address (o SONA) ni Pangulong Bongbong Marcos Jr ay
261,069 total views Kapanalig, sa anumang hakbang., planong gagawin., polisiyang ipapatupad.,mga pangakong binitiwan, o mga usapin na sadyang iniiwasan. Lagi itong may kulang. Hindi ibig sabihin,
283,687 total views Mga Kapanalig, sinong ayaw manalo ng pinakabago at pinakasikat na smartphone? Ganito inakit ng isang sikat na social media influencer ang mahigit 50
1,666 total views Hinimok ni Pope Leo XIV ang mga mananampalataya na muling tuklasin ang tunay na diwa ng panalangin sa gitna ng lumalawak na impluwensya
16,762 total views Iginiit ni Lipa Archbishop Gilbert Garcera, pangulo ng Catholic Bishops’ Conference of the Philippines (CBCP), na may natatanging misyon ang mga pari sa
4,370 total views Nanawagan si Kalookan Bishop Cardinal Pablo Virgilio David sa mga mag-aaral, guro, at mga institusyong pang-edukasyon na bigyang-tuon ang “spiritual intelligence” bilang gabay
4,455 total views Nanawagan si Pope Leo XIV sa mga mananampalataya na maging mga daan ng pagkakasundo at pagbubuklod sa harap ng lumalalim na pagkakahati-hati at
