1,720 total views
Nanawagan sa pamahalaan si Taytay Palawan Bishop Broderick Pabillo na tutukan ang pagpapaunlad sa sektor ng agrikultura sa bansa.
Hindi kumbinsido si Bishop Pabillo sa ipinagmalaki ng Pangulong Ferdinand Marcos Jr. sa ikalawang State of the Nation Address ang naranasang pag-unlad sa sektor ng agrikultura.
Iginiit ni Bishop Pabillo na kakulangan ng pamahalaan na tugunan ang pangangailangan ng mga magsasaka at mangingisda.
Ayon sa Obispo, hindi puro pangako kundi konkretong programa ang kailangan ng mga magsasaka at mangingisda upang maibsan ang nararanasang kahirapan.
“kaya hindi lang sana mga pangako ay dapat tupadin, ano ba ang mga concrete steps kasi kami dito sa palawan na agricultural wala naman kaming masyadong nakikitang mga programa na makatulong sa mga poor farmers”.paglilinaw ni Bishop Pabillo sa panayam ng Radio Veritas.
Iminungkahi naman ng Obispo ang pagkakaroon rin ng pamahalaan ng mga crop insurance initiatives dahil madalas na nararanasan ng Pilipinas ang magkakasunod na bagyo.
Ito ay upang makabili o mapalitan agad ng mga magsasaka ang mga pananim o produktong nasira ng kalamidad.
Sa kanyang SONA, inulat ng pangulong Marcos ang pagpapaunlad ng agrikultura sa pamamagitan ng pagkakaroon ng 2-libong Kadiwa Ani Kita stores na direktang bumibili ng suplay ng mga produktong agrikultura na hindi pa kinakailangan ng mga middle men.
“so yun po sana hindi lang mga pangako, hindi lang mga balak, hindi lang mga programa ngunit kongkretong may ginagawa para po sa mga magsasaka kasi kailangan na kailangan nila ngayong tag-ulan’’. Pahayag ni Bishop Pabillo
Batay sa pag-aaral ng Philippine Statistics Authority, noong taong 2021 ay nanatili pa rin ang mga mangingisda at magsasaka bilang ‘poorest of the poor sector’ matapos tumaas ang poverty incidence rate ng sektor sa 30.6%.
