833 total reads
Ilulunsad ng Diocese ng Kalookan ang pagkakaroon ng Pastoral Communication Research Institute bilang tugon ng Simbahan sa malawakang disinformation.
Ayon sa pahayag ng Diyosesis, dahil sa mga maling impormasyon ay nailalayo ang mga tao sa katotohanan.
“The Roman Catholic Diocese of Kalookan is establishing the Pastoral Communication Research Institute, which aims to help the Church read the signs of the times, by knowing the language of the people who are the subjects of the new evangelization,” ang bahagi ng pahayag ng Diyosesis ng Kalookan.
Layunin ng institusyon na maging tagapagbantay at tagapagsuri ng katotohanan na ayon sa konsepto ng magkakasamang pagtalakay at kultura ng pakikipag-ugnayan.
Ang paglulunsad ay gaganapin ngayong araw July 26 ganap na alas-4:30 ng hapon sa Iñiguez Hall sa San Roque Cathedral Complex, Caloocan City.
Layunin din ng research institute na tulungang ang simbahan sa pagtukoy at pagsusuri sa wikang ginagamit sa kasalukuyan at maging daan para sa pagtugon tungo sa ebanghelisasyon.
Pangungunahan naman ni Kalookan Bishop Pablo Virgilio David ang paglulunsad ng research intitute sa Diyosesis kung saan kabilang sa mga programa ay ang pagpapakilala sa mga bubuong opisyal at kasapi ng institusyon gayundin ang oath taking at commissioning sa pagdiriwang ng Misa.
