5,275 total views
Nagkaloob ng tulong at kabuhayan ang Philippine Jesuit Prison Service Foundation, Inc. o PJPS sa 14 na Persons Restored of Liberty o PRLs at kanilang mga pamilya sa pamamagitan ng Batch 4 ng Capital Assistance Project sa ilalim ng PRL CARE Program.
Isinagawa ang programa noong Mayo 16, 2026 sa PJPS Office sa Muntinlupa City bilang bahagi ng layunin ng organisasyon na matulungan ang mga dating persons deprived of liberty na muling makabangon sa pamamagitan ng livelihood at microbusiness initiatives.
Ayon sa PJPS, hindi lamang pinansyal na ayuda ang ibinibigay ng programa kundi maging formation at mentoring support upang mahubog ang mga benepisyaryo sa responsableng pangangasiwa ng negosyo at pananalapi.
“The Capital Assistance Project seeks to provide opportunities for PRLs and PDL families to rebuild their lives through sustainable livelihood and microbusiness initiatives. More than financial assistance, the program promotes stewardship and solidarity, encouraging beneficiaries to “pay it forward” by sharing a portion of their future earnings to help support the next generation of entrepreneurs from the corrections community.” Bahagi ng pahayag ng PJPS.
Nagpasalamat din ang PJPS sa Philippine Jesuit Foundation sa New York, United States sa patuloy nitong suporta para sa mga programang nagbibigay ng pag-asa, dignidad, at ikalawang pagkakataon sa mga Persons Restored of Liberty at kanilang mga pamilya.
“PJPS also extends its heartfelt gratitude to the Philippine Jesuit Foundation in New York, United States, for the continued generosity and support for our PRL brothers and sisters. Through partnerships rooted in compassion and hope, more lives continue to be restored with dignity and purpose.” Dagdag pa ng PJPS.
Pinangunahan ni Mr. Marlon Morales ang isinagawang seminar na “Introduction to Money Management” habang ibinahagi naman ni PRL Roy Aguilo, may-ari ng BigRoy’s Molino Boulevard, ang kanyang kwento ng pagpupunyagi at tagumpay bilang negosyante.
