698 total reads
Ganito inilarawan ng Commission on Human Rights (CHR) ang pamumuno ng yumaong chairperson ng kumisyon na si CHR Chairperson Jose Luis Martin “Chito” Gascon.
Sa opisyal na pahayag ni CHR Spokesperson Atty. Jacqueline Ann de Guia ay ibahagi ng opisyal ang pagpanaw ni Gascon sa edad na 57-taong gulang, umaga ng Sabado, ika-9 ng Oktubre, 2021 dahil sa kumplikasyon na dulot ng Coronavirus Disease 2019.
“It is with deepest sorrow that we announce the passing of Chairperson Jose Luis Martin “Chito” Gascon. He passed away early this Saturday morning, 9 October 2021, due to Covid-19 complications. He was 57,” pahayag ni de Guia.
Pagbabahagi ni Atty. De Guia, hindi matatawaran ang pamumuno ni Chairperson Gascon sa kumisyon na nagdulot ng inspirasyon sa mariing paninindigan sa pagsusulong ng karapatang pantao hindi lamang para sa mga kawani ng CHR kundi maging sa iba pang mga human rights workers sa bansa.
Ayon kay Atty. De Guia higit ring naipamalas ni Gascon ang paglilingkod ng may tunay na pagmamalasakit para sa mga biktima ng iba’t ibang pang-aabuso sa karapatang pantao kasabay ng pagtiyak sa kaligtasan at kapakanan ng bawat kawani ng kumisyon.
“His leadership in the Commission has inspired and nurtured a culture of enabling, empowering, and safe environment that move CHR personnel to always serve with genuine compassion or Serbisyong may Malasakit, utmost integrity, and excellence. He impressed upon the CHR personnel and fellow human rights workers the impact and value of our work especially to those who have it least,” dagdag pa ni Atty. De Guia.
Binigyang pagkilala rin ng CHR ang katapangan at paninindigan ni Gascon upang isulong ang mandato ng kumisyon sa kabila ng iba’t ibang mga pagsubok, hamon at pagbabanta dahil sa mariing paninindigan ng CHR laban sa iba’t ibang mga pang-aabuso sa karapatang pantao na nagaganap sa lipunan.
Paliwanag ni Atty. De Guia, sadyang kahanga-hanga ang dedikasyon ni Gascon upang isulong ang kalayaan, katotohanan, katarungan at karapatang pantao ng bawat mamamayang Pilipino.
“At a time of unprecedented human rights challenges, Chair Chito courageously and steadfastly upheld the constitutional mandate of the Commission. Amidst the unrelenting attacks against the institution and to him personally, he was unwavering and unflinching in fighting for the universal values of freedom, truth, and justice that are essential in the pursuit of human rights. He was undaunting in the fight for human rights, rule of law, and democracy out of deep reverence to the equal rights and dignity of all,” dagdag pa ni Atty. De Guia.
Samantala, tiniyak naman ng CHR ang pagpapatuloy sa mga nasimulan ni Chairperson Gascon at patuloy na paninindigan sa mandato nito na tiyakin ang pagsusulong ng karapatang pantao ng bawat mamamayang Pilipino.
Pansamantala, pangangasiwaan ni CHR Commissioner Karen Gomez Dumpit bilang Officer-in-Charge ang Commission on Human Rights sa pagpanaw ni Chairperson Gascon.
Si Gascon ang nagsilbing pinakabatang miyembro ng Constitutional Commission na nagbalangkas ng 1987 Constitution at ng 8th Philippine Congress kung saan naisabatas ang Sanggunian Kabataan na pakikilahok ng mga kabataan sa lokal na pamahalaan, gayundin ang Republic Act 7610 na pagbibigay ng proteksyon sa mga bata mula sa iba’t ibang uri ng pang-aabuso.
Bago naitalaga bilang chairperson ng Commission on Human Rights (CHR) noong 2015, nagsilbi rin si Gascon bilang kasaping miyembro ng Human Rights Victims Claims Board na responsable sa pagkilala at pagpapatupad ng reparation programs para sa mga biktima ng Martial Law sa ilalim ng rehimeng Marcos.
