756 total reads
Nanawagan ang Sangguniang Laiko ng Pilipinas (SLP) sa bawat Pilipino na isabuhay ang pagbabayanihan higit na ngayong maraming mahihirap na pamilya.
Ayon kay Raymond Daniel Cruz Junior, Pangulo ng SLP, nararapat manaig ang bayanihan spirit sa pagharap ng Pilipinas at ng buong daigdig sa kahirapan na pinalala na krisis sa ekonomiya na dulot ng pandemya at digman.
“Sa gitna ng tumataas na antas ng paghihirap, patuloy na nananawagan ang Sangguniang Laiko ng Pilipinas sa mga organisasyon at individual na magpatuloy sa pag-aabot ng kahit na maliliit na tulong sa mga kababayan nating nangangailangn ng pantawid sa gutom, pansinin natin ang mga humihingi ng tulong, Kausapin at kumustahin. Tanungin ang kanilang mga pangalan at sabihang ‘God bless you!’,” mensahe ni Cruz sa Radio Veritas.
Umaapela rin ang pinuno ng SLP sa pamahalaan na pag-ibayuhin ang pag-aabot ng tulong sa mga nangangailangan sa pagpapatupad ng mga batas na tutulungang makapamuhay ng may dignidad ang bawat Pilipino.
Hinimok din ng SLP ang bawat isa na tulungan ang kapwang mahirap na maging bahagi ng mga programa ng pamahalaan at Department of Social Welfare and Development (DSWD) katulad ng Assistance to Individuals/Families in Crisis (AICS) upang mabigyan ng financial assistance.
“Panawagan natin sa mga nakaluklok sa gobyerno, buksan natin at palawakin ang mga sangay ng gobyerno na may mandatong tulungan ang mga may mahigpit na pinag-dadaanan. Sa harap ng matinding inflation, umaasa kami sa gobyerno na gagampanan nila ang mga tagublin ng batas para sa mga kababayan natin,” ayon pa sa mensahe ni Bro.Cruz.
Naitala ng Philippine Statistics Authority (PSA) sa 6.4% ang inflation rate noong Hulyo kumpara sa 6.1% noong Hunyo ng kasalukuyang taon.
Lumabas din sa survey ng Social Weather Stations (SWS) na 12.2-milyong pamilyang Pilipino ang nagsasabing mahirap noong 2nd Quarter ng 2022.
