25,543 total reads
Paiigtingin ng Arnold Janssen Kalinga Foundation ang suporta sa pamilya ng mga biktima ng extra-judicial killings sa marahas na implementasyon ng war on drugs ng nakalipas na administrasyong Duterte.
Sa ilalim ng Program Paghilom ay nagkakaloob ng iba’t ibang tulong at suporta ang organisasyon para sa naiwang asawa, magulang at anak ng mga biktima ng EJK sa bansa.
Para higit na mapalawak ang misyon ng Program Paghilom ay itayo ng Arnold Janssen Kalinga Foundation ang Dambana ng Paghilom – Himlayan ng mga biktima ng EJK sa La Loma Cemetery sa Caloocan na kauna-unahang EJK Memorial site.
15-urns ng mga biktima ng EJK ang inihimlay sa Dambana ng Paghilom noong ika-27 ng Hunyo, 2024 kasabay ng Kapistahan ng Mahal na Ina ng Laging Saklolo o Our Lady of Perpetual Help.
Pinangasiwaan ni Rev. Fr. Eduardo Vasquez, OMI ang isang simpleng seremonya at pagbabasbas bago ang paghahatid sa huling hantungan sa mga biktima ng EJK dulot ng war on drugs ng nakalipas na administrasyon.
“The search for healing & closure continues. 15 more urns containing the mortal remains of EKJ victims were interred earlier today, June 27, at the “Dambana ng Paghilom”, La Loma Catholic Cemetery, Caloocan City. Fr. Eduardo Vasquez, OMI officiated a simple liturgical ceremony & blessing to finally lay their remains to rest. Family members, mostly under the care of #ProgramPaghilom, were present at the event.” Pagbabahagi ng AJ Kalinga Foundation.
Ibinahagi ni Arnold Janssen Kalinga Foundation Inc. – Founder and President – Fr. Flavie Villanueva SVD, na layunin ng EJK Memorial Site na mabigyan ng dignidad at pagpapahalaga ang lahat ng mga biktima ng EJK sa pagkakaroon ng isang naaangkop na himlayan at huling hantungan.
Sa kasalukuyan, mahigit sa 300 ang mga pamilyang kinakalinga ng Program Paghilom ng Arnold Janssen Kalinga Foundation.
Photo Courtesy of Arnold Janssen Kalinga Foundation:
