537 total views
Umaasa ang opisyal ng Catholic Bishops’ Conference of the Philippines na mamayani ang diwa ng katarungan at kalayaan sa bagong administrasyon.
Ito ang mensahe ni Baguio Bishop Victor Bendico ng CBCP – Episcopal Commission on Liturgy sa pagdiriwang ng Linggo ng Pentekostes o ang pagbaba ng Banal na Espiritu 50-araw makaraan ang Linggo ng Muling Pagkabuhay ng Panginoon.
Dalangin ng obispo na iwaksi ni President – elect Ferdinand Marcos Jr. ang anumang uri ng karahasan sa halip ay isulong ang tunay na pagkakaisa para sa kabutihan ng nakararaming Pilipino.
“With the new government administration, let us not put on a spirit of slavery. Let us be led by a spirit of freedom. We are free people in a free nation. In a free country, there can only be a free citizen – citizens who love their country and work hard for the common good,” mensahe ni Bishop Bendico sa Radio Veritas.
Batid ni Bishop Bendico ang pagkakahati-hati ng bansa sa nakalipas na halalan kung saan halos namayani sa lipunan ang hidwaan bunsod ng pagkakaiba ng sinusuportahang kandidato.
Kasabay ng pagtapos ng halalan hinimok ng opisyal ang mamamayan na magbuklod tungo sa paghilom ng anumang hindi pagkakaunawaan tulad ng mensahe ng Pentekostes na pagkakaisa sa kapayapaang hatid ng Espiritu Santo.
“Brothers and sisters in Christ, the essence of Pentecost is unity. There were images of winds and fire which broke down the barriers of fear, anxiety and worry among the disciples,” giit ni Bishop Bendico.
Umaasa ang obispo na magkaisa ang mga Pilipino sa pagtataguyod ng katarungan, kapayapaan at pagbubuklod ng buong bansa.