2,069 total reads
Umaabot na sa 5-libong mga bata ang napapakain ng Hapag-asa Integrated Nutrition Program sa Marawi City.
Ito ang tiniyak ni Hapag-asa Program Manager Angie Sapitula-Evidente simula ng ilunsad ang mga feeding program sa lungsod noong September 2022.
Bagamat malayo pa mula sa target na 15-libong mga bata ang mapakain ay nagtitiwala si Evidente na bago magtapos ang 2023 ay makakamit ito.
“So this is a part of the ‘Build Back Marawi’ and we are trying to target all the elementary schools in Marawi, namahagi tayo dito ng mga ating food commodoties na Manna Pack that the parents of the Children in school will help prepare this Manna Packs to be fed to their children,” ayon sa panayam ng Radio Veritas kay Evidente.
Patuloy din ang pakikipag-ugnayan ng Hapag-asa sa lokal na pamahalaan dahil bukod sa Pondo ng Pinoy at Assisi Foundation, katuwang din sa feeding programs ang Seaoil Foundation, Gawad-Kalinga at Department of Education.
Ayon pa kay Evidente, mananatiling handa ang Hapag-asa sa kabila ng pansamantalang pagtigil ng mga feeding programs sa Marawi ng dahil sa pagsisimula ng Ramadan sa March 22.
“But after, because of some construction in the central kitchen, their target after Ramadan is to reach that 15-thousand target plus more, that’s why pinamigay na nila’t ibinahagi na nila yung mga Manna Packs in the different schools and sa ngayon katulong nung mothers na naghahanda yung mga teachers,” ayon pa sa panayam ng Radio Veritas kay Evidente.
Magugunitang 2017 ng maganap ang digmaan sa Marawi City sa pagitan ng sandatahang lakas ng Pilipinas laban sa Maute terrorist group kung saan 360-libong nawalan ng tirahan.
Batay sa datos ng Marawi City Government noong, mula sa populasyong aabot ng 200-libo, 5% sa bilang ay pawang mga malnourished children.
Habang Noong July 2022 batay sa datos ng “Task Force Bangon Marawi ” , sa kabila ng pagpapatuloy ng Marawi Rehabilitations Efforts, ay umaabot parin sa mahigit 84-libo ang walang tirahan na katumabas ng 17-libong pamilya.
