2,046 total views
Tangan ng Bagong Taon ang bagong pagasa para sa bawat mamamamayan.
Ito ang mensahe nila Daet Bishop Rex Andrew Alarcon at Cubao Bishop Honesto Ongtioco para sa Bagong taon at Dakilang Kapistahan ni Maria na Ina ng Diyos sa na ginugunita ng simbahang tuwing January 01.
Ayon kay Bishop Alarcon, nawa ay mapukaw ng pagsilang ng Panginoong Hesus Kristo sa naging paggunita ng pasko ang bawat isa upang simulan ang mabuting pagbabago sa buhay at upang makabangon o mapagtagumpayan ang anumang hamon sa buhay.
“Yung ating Celebration ng the Motherhood of Mary is an example of how an individual can lead by her sincerity, yung kaniyang pagbibigay ng sarili can make a difference through the life of all,” ayon sa panayam ng Radio Veritas kay Bishop Alarcon.
Ayon naman kay Bishop Ongtioco, nawa ay higit pang kilalanin ng buong mundo ang pagibig ng Diyos para sa sanlibutan at ituring ng bawat isa ang bagong taon bilang biyaya na ipinaparating ang mabuting balita ng Panginoon na patuloy ang pakikiisa ng Diyos sa kaniyang sangnilikha.
Ito ay dahil sa naging pag-aalay ng Panginoon sa kaniyang bugtong na anak na si Hesus.
“So in other words ang message sa ating bagong taon it’s a message of hope, it’s a message of promise that the lord will always journey with us, hindi tayo iiwanan ng Diyos, kapiling natin ang Diyos, kailanman hindi tayo nag-iisa, kaya kung kapiling natin siya ay mahaharap natin kahit ano pa mang krisis, gutom, kahirapan hindi natin haharapin nag-iisa, kasama natin ang Diyos,” ayon naman sa panayam ng Radio Veritas kay Bishop Ongtioco.
Kaugnay sa bagong pagasa ng bagong taon, una naring ipinarating ng ibat-ibang grupo ang pagasa ng pagbabago sa bansa upang mapabuti ang kalagayan ng mga mahihirap, manggagawa at iba pang sektor sa lipunan.
Tangan ng mga labor groups ang pagasang maitaas na sa 2023 ang suweldong natatanggap ng mga manggawa, habang hangarin naman ng mga agricultural groups ang pinaigting na pagtulong ng pamahalaan sa mga lokal na manggagawa sa agrikultura.
