Catholic schools, tutugunan ang mental wellness ng nga kabataan

Pope Leo XIV, nanawagan ng dayalogo sa Gitnang Silangan at Holy land

 562 total views

Muling nanawagan si Pope Leo XIV ng agarang pagbabalik sa dayalogo at negosasyon upang makamit ang makatarungan at pangmatagalang kapayapaan sa Holy Land at sa buong Gitnang Silangan, kasabay ng kanyang pag-aalala sa patuloy na lumalalang karahasan sa rehiyon.

Sa kanyang Angelus sa Castel Gandolfo, sinabi ng Santo Papa na patuloy niyang sinusubaybayan nang may matinding pagkabahala ang lumalalang sitwasyon sa West Bank at Gaza, kung saan marami nang sibilyan ang nasawi dahil sa nagpapatuloy na labanan.

Hinimok ni Pope Leo XIV ang mga sangkot sa hidwaan na muling buksan ang landas ng negosasyon tungo sa isang makatarungang pampulitikang solusyon na nakabatay sa pantay na dignidad at karapatan ng bawat tao.

“I urge all parties involved to suspend their attacks and urgently reopen avenues of dialogue and diplomacy, so that the peace so greatly desired by the entire region may be achieved without delay.” Panawagan ni Pope Leo XIV.

Nagbabala rin ang Santo Papa na ang patuloy na paglala ng mga operasyong militar sa Gitnang Silangan ay nagdudulot ng mas maraming pagkasawi ng mga sibilyan at nagpapalala sa kakulangan ng malinis na tubig at suplay ng kuryente sa mga apektadong lugar.

Hinimok din ni Pope Leo XIV ang lahat ng mananampalataya na ipagpatuloy ang pananalangin para sa lahat ng mamamayang dumaranas ng digmaan sa iba’t ibang bahagi ng mundo.

“May the Lord touch hearts and enlighten the minds of those in positions of responsibility, so that reconciliation and peace may soon prevail.” Panalangin ng Santo Papa.

Paalala ng Simbahan, ang Catholic Social Teaching ay nagtuturo na ang tunay na kapayapaan ay nakaugat sa katarungan, paggalang sa dignidad ng bawat tao, at tapat na pagsusulong ng dayalogo at pagkakasundo sa halip na karahasan at digmaan.

Inihayag ni Pope Leo XIV ang panawagan sa kanyang Angelus sa Castel Gandolfo kasabay ng patuloy na paglala ng karahasan sa Holy Land at sa iba pang bahagi ng Gitnang Silangan.

Muling tuklasin ang tunay na diwa ng pakikipagkaibigan kay Hesus, Cardinal Tagle sa mga kabataan

 5,799 total views

Hinikayat ni Pro-Prefect ng Dicastery for Evangelization – Cardinal Luis Antonio Tagle ang mga kabataan na muling tuklasin ang tunay na kahulugan ng pakikipagkaibigan kay Hesukristo na nakaugat sa pagbabahagi ng Salita ng Diyos, pag-ibig, at paglilingkod sa kapwa.

Ito ay sa mensahe ng Cardinal sa Youth Day ng 12th Philippine Conference on New Evangelization (PCNE XII), ipinaliwanag nito na ang pagiging kaibigan ni Kristo ay hindi nasusukat sa pansariling pakinabang o sa dami ng online followers at digital friends, kundi sa kakayahang ibahagi ang biyayang tinanggap mula sa Diyos.

Binigyang-diin din na ang tunay na kaibigan ay hindi nagpapalaganap ng tsismis, kasinungalingan, o fake news, kundi ng katotohanan, biyaya, at pag-asa.

“The friendship that Jesus offers is not based on convenience or what we can gain from another person. It is rooted in sharing what we have received from God. If someone fills your life with gossip, lies, prejudice, or fake news, that person is not acting as a true friend. A friend, like Jesus, shares truth, grace, and the blessings of God,” ayon sa mensahe ni Caridnal Tagle.

Ipinaalala rin ni Cardinal Tagle na ang tunay na pag-ibig ay nasasalamin sa kahandaang mag-alay ng sarili para sa kapwa, tulad ng ipinakita ni Hesus sa Kanyang mga kaibigan. Hinikayat nito ang mga kabataan na maging mga “misyonero ng pagkakaibigan” sa pamamagitan ng pagmamahal, pagtanggap, at paglilingkod sa bawat isa, lalo na sa mga nakararamdam na sila ay hindi kabilang o hindi karapat-dapat sa Simbahan.

Ayon sa Cardinal, ang Simbahan ay tahanan ng lahat at bawat binyagan ay tinatawagan ni Kristo na maging tunay na kaibigan na nagbabahagi ng pag-ibig at katotohanan.

“Jesus calls us friends not only to receive His love but to share it with others. True friendship is measured by our willingness to give ourselves in love, even in sacrifice, just as Christ gave His life for His friends. The Church must become a place where every person, especially those who feel broken or unworthy, hears the words, ‘I have called you friends.’ That is the mission of every Christian,” ayon pa sa mensahe ni Cardinal Tagle.

Ang panawagang ito ay kaayon ng patuloy na pagsusulong ng Simbahan sa bagong ebanghelisasyon na naghihikayat sa bawat mananampalataya na maging buhay na saksi ng Ebanghelyo sa kanilang pang-araw-araw na pamumuhay.