2,967 total reads
Mariing kinundena ng Diocese of Tagbilaran at Talibon sa Bohol ang mga karahasan sa lalawigan.
Ikinababahala ni Tagbilaran Bishop Alberto Uy at Talibon Bishop Patrick Daniel Parcon ang sunod-sundod na insidente ng pamamaslang sa ilang bayan sa Bohol na malaking banta sa kaligtasan at kapayapaan sa lugar.
Iginiit ng mga obispo na kahiya-hiya at tahasang paglabag sa ikalimang utos ng Diyos na ‘Huwag kang papatay’ ang krimen lalo’t ipinagdiriwang pa rin ng simbahan ang Pasko ng Muling Pagkabuhay ng Panginoon.
“Kami, inyong kaobispohan sa Diocesis sa Talibon ug Tagbilaran, isip inyong ubos ug dili-takos nga mga amahan sa pagtoo, hugot nga nanawagan sa tanang katawhan nga adunay maayong kabubut-on, Katoliko man o dili, sa paghiusa aron pag-kondenar niining makauulaw nga sala ug krimen sa pagpatay sa tawo nga minugna sa larawan ug kasamahan sa Dios,” pahayag ng dalawang obispo.
Batay sa ulat April 3, Lunes Santo nang barilin ang isang retiradong pulis sa Barangay Calanggaman, Ubay; April 14 ang pamamaril sa Los Angeles, Ubay habang April 17 ang insidente ng pangho-holdup at pagpatay sa isang security guard sa San Pascual, Ubay.
Apela nina Bishop Uy at Bishop Parcon sa mga awtoridad na paigtingin ang pagbibigay proteksyon sa mamamayan upang mapawi ang anumang pangamba dahil sa mga krimen.
“Nanawagan usab kami sa mga kadagkoan sa atong panggobiernong sibil, ilabina sa atong mga kapolisan aron magtukaw diha sa pagbantay ug pagsumpo niining maong krimen sa pagpatay ug paghatag og igong proteksyon sa atong mga inosenteng katawhan nga nangahadlok alang sa ilang kaugalingong kasiguroan ug sa ilang mga mahal sa kinabuhi,” anila.
Umaasa ang mga pastol na magsisi ang mga salarin at buong kababaang loob na aminin ang pagkakasala para mabigyang katarungan ang mga biktima.
Hiniyakat din nito ang mga Bol-anon na maging mapagbantay sa paligid at ipagbigay alam sa awotoridad ang mga kahina-hinalang indibidwal.
“Ang tanang molupyo kinahanglang magpakabana alang sa kaugalingon ug sa isigkaingon. Ug maghiusa kitang mangaliyupo sa Dios, kang Maria Santissima ug mga santos, nga ang hustisya makab-ot alang sa mga biktima ug sa ilang mga pamilya. Ug ang kalooy ug kalinaw ni Kristo nga nabanhaw maghari pag-usab niining pinalanggang katawhan sa Dios sa probinsiya sa Bohol,” saad ni Bishop Uy at Bishop Parcon.
