276 total views
Naging matagumpay at tahimik ang naganap na Traslacion ng Mahal na Poong Jesus Nazareno sa Diocese ng Tagum Davao Del Norte.
Ayon kay Rev. Fr. Emerson Luego, Kura Paroko ng Sagrado Corazon de Jesus Nazareno parish sa Tagum Davao, umabot sa mahigit 10,000 ang nakilahok sa kauna-unahang Traslacion na nagmula sa ibat-ibang lugar sa Mindanao gaya sa General Santos City, Cotabato, Agusan del Norte, at Butuan.
Labis ding nagpapasalamat ang pari sa ibat-ibang grupo na tumulong kaya’t naging matagumpay ang okasyon kabilang na ang Radio Veritas na tumulong para maipakalat ang impormasyon na isasagawa ang kauna-unahang Traslacion sa Diocese ng Davao.
Dagdag ni Fr. Luego, nagpapasalamat din siya sa Quiapo Church na nag-anunsiyo na may Traslacion ang Diocese.
“Naging successful naman lalo na kanina ang daming dumalo sa ating Traslacion coming from different regions also at ngayon merun kaming 13 Masses simula kaninang 4am. First time kanina more than 10,000 ang nakibahag from Davao region, (davao, Digos tagum, Mati,) Agusan, General Santos, Cotabato. Nagpapasalamat kami sa lahat ng mga tumulong sa successful na pagdaraos namin ng unang Kapistahan at trangkaso, salamat din sa Radio Veritas dahil nakatulong kayo sa pag-disseminate ng impormasyon dahil sa taong ito hindi lang Quiapo ang may Traslacion so pasalamat sa lahat ng sumuporta sa unang Traslacion sa amin. Pati sa Quiapo na nag-anunsiyo na hindi lamang sa kanila ang traslacion kundi maging dito sa amin,” Ayon kay Fr. Luego.
http://www.veritas846.ph/diocese-tagum-handa-rin-sa-kanilang-kauna-unahang-traslacion/
