3,252 total views
Maraming tao ang nagpapakitang gilas. Madalas, gusto nilang ipakita ma mas mainam sila kaysa iba, sa itsura man, sa yaman o kapangyarihan. Inaakala nilang mapagtatakpan nito ang kanilang mga kahinaan. O kaya naman, iniisip nilang kailangang may patunayan upang mahalin o maging katanggap-tanggap sa iba. Pero huwag nating kalimutan na nilikha tayo ng Diyos na sadyang kalugod-lugod sa kanya. Kaya nagkatawang tao ang kanyang bugtong na anak upang ipakita ang kanyang pagpapahalaga sa ating pagkatao. Wala tayong dapat ikahiya sa sarili maliban sa kasalanan. Pero kahit mahina, hindi tayo pinagkakaitan ng awa. Kahit may mga kapintasan, palaging may pagkakataon na umunlad sa kabutihan. Kaya imbes na magpakitang gilas, manindigan sa mabuting pagkatao na sa ati’y likas.
