28,162 total reads
Ipinarating ng Catholic Bishops’ Conference of the Philippines ang pasasalamat at kagalakan sa pagkakatalaga kay Puerto Princesa Bishop Socrates Mesiona bilang susunod na Chairman ng Episcopal Commission on Migrants and Itinerant People (CBCP-ECMI).
Ayon sa Komisyon, tiwala at inaasahang na magagampanan ni Bishop Mesiona ang bagong misyon na kalingain at iparating sa mga migrante ang pagmamahal at kalinga ng simbahan.
“The 130th CBCP Plenary Assembly named new CBCP Commissions Chairmen. The new ECMI Chairman is Bishop Socrates C. Mesiona, MSP who will assume the post on December 1, 2025. He is currently one of the ECMI Board Member Bishops,” ayon sa mensahe ng CBCP-ECMI.
Binahagi din ng komisyon ang pinagmulan ni Bishop Mesiona na na-ordinahan bilang pari ng simbahang katolika noong 1989 at bilang obispo naman ni Pope Francis noong 2016.
Kilala si Bishop Mesiona bilang tagapagsulong ng karapatan ng mga katutubo na nakakaranas ng paniniil kasunod ng kaniyang paninindigan para sa ikabubuti ng kalikasan.
“From 1994 to 1996 he studied for a licentiate in Missiology at the Pontifical Gregorian University in Rome. Bishop Mesiona was entrusted with several responsibilities such as principal of the school and later as rector of the Fil-mission Seminary in Tagaytay City, parish priest in Madaluyong City and bursar and member of the Mission Society of the Philippines, He served as MSP superior general from 2004-2009, after which he was appointed national director of the national Pontifical Mission Societies,” bahagi pa ng mensahe ng CBCP-ECMI.
Hahalili si Bishop Mesiona kay Bishop Romblon Bishop Narcisso Abella na nagsimulang magsilbi bilang CBCP-ECMI Chairman noong 2019 katuwang si CBCP-ECMI Vice-chairman Antipolo Bishop Ruperto Santos.
Ang CBCP-ECMI ay ang komisyon na nangangalaga sa kapakanan, karapatang at pangangailangan espiritwal ng mga Overseas Filipino Workers, Filipino Migrants at mga pamilya o mahal sa buhay na naiiwan sa Pilipinas.
