35,392 total views
Iginiit ng simbahan na kailangang tutukan ng pamahalaan ang usaping pangkalusugan, lalo na sa pagtaas ng kaso ng tuberculosis (TB) at human immunodeficiency virus (HIV) sa bansa.
Ito ang panawagan ng Catholic Bishops’ Conference of the Philippines-Episcopal Commission on Healthcare (CBCP-ECHC) kaugnay sa nalalapit na ika-apat na State of the Nation Address (SONA) ni Pangulong Ferdinand Marcos, Jr. sa July 28, 2025.
Ayon kay CBCP-ECHC executive secretary, Camillian Fr. Dan Cancino, ika-apat ang Pilipinas sa may pinakamataas na kaso ng TB sa buong mundo kaya’t ginagawa na ang aktibong paghahanap ng kaso sa mga pamayanan, kabilang na ang pagdadala ng x-ray machines sa mga malalayong lugar upang agad matukoy at magamot ang mga apektado.
“Kapag inuubo ng dalawang linggo, may mga symptoms ng tuberculosis, huwag mahihiyang magpa-check-up. May gamot tayo,” pahayag ni Fr. Cancino sa panayam ng Radyo Veritas.
Gayunman, binigyang-diin ni Fr. Cancino na dahil sa kakulangan ng suplay ng gamot sa ilang lugar, may mga pasyenteng napipilitang tumigil sa gamutan, na nagreresulta sa pagkawala ng pag-asang gumaling at sa muling pagtaas ng mga kaso ng TB.
Kaya naman, hinimok ng pari ang pamahalaan na tiyaking may sapat na suplay ng gamot at abot-kayang serbisyo sa mga health center, lalo na sa mga kanayunan.
“Knock-knock po sa ating mga kinuukulan. Maganda pong tingnan muli natin paano ba ‘yung ating healthcare system lalo na sa purchase and distribution natin [ng mga gamot at serbisyong pangkalusugan],” ayon sa pari.
Kaugnay nito, binigyang-pansin rin ni Fr. Cancino ang patuloy na pagtaas ng kaso ng HIV, partikular sa mga kabataang edad 15 hanggang 24.
Aniya, isa sa mga dahilan ay ang pagtaas ng bilang ng mga nagpapa-test, ngunit binigyang-diin din ang epekto ng pagbawi ng mga dayuhang pondo tulad ng United States Agency for International Development (USAID).
Paliwanag ng pari na kung walang domestic funding, maaapektuhan ang suplay ng gamot, mga programang pangkalusugan sa mga pamayanan, at kabuhayan ng mga trained health workers.
“Kaya nga dapat mabigyan ‘to ng pansin… At kung mabigyan ng pondo, gamitin ito sa tama. Huwag ibulsa. Huwag gamitin kung saan-saan. Ang para sa mga may sakit, talagang dapat i-ensure natin at i-guarantee na makakarating sa mga may sakit,” giit ni Fr. Cancino.(michael)
Iginiit ng simbahan na kailangang tutukan ng pamahalaan ang usaping pangkalusugan, lalo na sa pagtaas ng kaso ng tuberculosis (TB) at human immunodeficiency virus (HIV) sa bansa.
Ito ang panawagan ng Catholic Bishops’ Conference of the Philippines-Episcopal Commission on Healthcare (CBCP-ECHC) kaugnay sa nalalapit na ika-apat na State of the Nation Address (SONA) ni Pangulong Ferdinand Marcos, Jr. sa July 28, 2025.
Ayon kay CBCP-ECHC executive secretary, Camillian Fr. Dan Cancino, ika-apat ang Pilipinas sa may pinakamataas na kaso ng TB sa buong mundo kaya’t ginagawa na ang aktibong paghahanap ng kaso sa mga pamayanan, kabilang na ang pagdadala ng x-ray machines sa mga malalayong lugar upang agad matukoy at magamot ang mga apektado.
“Kapag inuubo ng dalawang linggo, may mga symptoms ng tuberculosis, huwag mahihiyang magpa-check-up. May gamot tayo,” pahayag ni Fr. Cancino sa panayam ng Radyo Veritas.
Gayunman, binigyang-diin ni Fr. Cancino na dahil sa kakulangan ng suplay ng gamot sa ilang lugar, may mga pasyenteng napipilitang tumigil sa gamutan, na nagreresulta sa pagkawala ng pag-asang gumaling at sa muling pagtaas ng mga kaso ng TB.
Kaya naman, hinimok ng pari ang pamahalaan na tiyaking may sapat na suplay ng gamot at abot-kayang serbisyo sa mga health center, lalo na sa mga kanayunan.
“Knock-knock po sa ating mga kinuukulan. Maganda pong tingnan muli natin paano ba ‘yung ating healthcare system lalo na sa purchase and distribution natin [ng mga gamot at serbisyong pangkalusugan],” ayon sa pari.
Kaugnay nito, binigyang-pansin rin ni Fr. Cancino ang patuloy na pagtaas ng kaso ng HIV, partikular sa mga kabataang edad 15 hanggang 24.
Aniya, isa sa mga dahilan ay ang pagtaas ng bilang ng mga nagpapa-test, ngunit binigyang-diin din ang epekto ng pagbawi ng mga dayuhang pondo tulad ng United States Agency for International Development (USAID).
Paliwanag ng pari na kung walang domestic funding, maaapektuhan ang suplay ng gamot, mga programang pangkalusugan sa mga pamayanan, at kabuhayan ng mga trained health workers.
“Kaya nga dapat mabigyan ‘to ng pansin… At kung mabigyan ng pondo, gamitin ito sa tama. Huwag ibulsa. Huwag gamitin kung saan-saan. Ang para sa mga may sakit, talagang dapat i-ensure natin at i-guarantee na makakarating sa mga may sakit,” giit ni Fr. Cancino.
