41,173 total views
Itinalaga ni Pangulong Ferdinand Marcos Jr. si Atty. Francis Saturnino Juan bilang chairperson Energy Regulatory Commission (ERC), epektibo sa August 8, 2025.
Si Juan ang papalit sa nagbitiw na si Monalisa Dimalanta na nagsilbi sa tanggapan simula 2019.
Ang bagong talagang chairperson ay ang kasulukuyang executive director at counsel ng ERC, at ang naging kauna-unahang Chairman, President, at CEO of the Independent Market Operator ng Wholesale Electricity Spot Market (WESM).
Si Juan ay kilalang tagapagtaguyod ng consumer protection at renewable energy development sa pamamagitan ng tariff reform.
Ipinaabot naman ng Pangulong Ferdinand Marcos kay Dimalanta ang pasasalamat sa paglilingkod sa pamahalaan.
‘We extend our deepest gratitude for her dedicated service to the Commission and to the Filipino people. We wish her continued success as she returns to private practice,’ ayon kay Castro.
Bukod kay Juan, itinalaga din ng Pangulo sina Atty. Amante Liberato at Atty. Paris Real bilang mga commissioners ng ERC.
