17,242 total views
Tinanggal na ni Pangulong Ferdinand R. Marcos Jr. si PNP Chief Gen. Nicolas Torre, epektibo nitong Agosto 25, 2025.
Batay sa dokumentong inilabas ng Office of the President at nilagdaan ni Executive Secretary Lucas Bersamin, nakasaad na agad nang inalis sa tungkulin si Torre bilang pinuno ng PNP.
Nakasaad din sa kautusan na inatasan si Torre na tiyakin ang maayos na turnover ng lahat ng usapin, dokumento, at impormasyon sa kanyang tanggapan upang mapanatili ang tuloy-tuloy at mahusay na serbisyo ng PNP.
Sa kasalukuyan, wala pang inaanunsyo ang Malacañang na hahalili sa posisyon ni Torre.
Si Torre ay itinalaga ni Pangulong Marcos bilang PNP Chief noong Mayo 29, 2025.
Sa ilalim ng kanyang pamumuno, pinangunahan ng pulisya ang dalawang high-profile operation na humantong sa pagkakaaresto nina dating Pangulong Rodrigo Duterte at Kingdom of Jesus Christ leader Apollo Quiboloy.
