19,234 total reads
Hinirang si Lt. Gen Jose Melencio Nartatez, bilang bagong pinuno ng Philippine National Police (PNP).
Si Nartatez ang hahalili kay dating Police General Nicolas Torree III bilang hepe ng pulisya, kung saan itinakda rin ngayong araw ang turn-over ceremony na pangungunahan ni Interior and Local Government Secretary Jonvic Remulla sa Camp Crame.
Sa ginanap na pressconference, nilinaw naman ni Remulla na walang nilabag si Torre na dahilan ng kaniyang pagkakatanggal sa puwesto.
Ayon pa kay Remulla, kinokonsidera rin ng Pangulong Ferdinand Marcos Jr. ang pagtatalaga kay Torre ng posisyon sa gobyerno.
Si Nartatez ay tubong Ilocos Sur ay mula sa Philippine Military Academy (PMA) Class of 1992 o Tanglaw-Diwa Class.
Bago ang paghirang bilang ika-32 chief ng PNP, si Nartatez ay naging pinuno ng National Capital Region Police Office (NCRPO) noong June 2023 at October 9, 2024 nang itinalaga naman bilang PNP Deputy Chief for Administration, ang ikalawang pinakamataas na posisyon sa pulisya.
Nitong buwan lamang ng Agosto, pinalitan siya sa ni Lt. Gen. Bernard Banac at itinalaga bilang pinuno ng Area Police Command–Western Mindanao, na nakakasakop sa Zamboanga Peninsula.
