5,538 total reads
Rep. Zaldy Co, posibleng maharap sa ethics probe ng Kamara
Hinamon ni House Majority Leader at Ilocos Norte Rep. Sandro Marcos si Ako Bicol Rep. Zaldy Co na bumalik ng bansa at sagutin ang mga paratang laban sa kanya kaugnay ng sinasabing anomalya sa flood control projects.
“I am gonna be the first one to tell you that he should come home and face any and all the allegations against him,” pahayag ni Marcos.
Dagdag pa niya, “the allegations is too severe and it’s dragging the House down.”
Nang tanungin kung maaaring pilitin ng Kamara si Co na umuwi, sinabi ni Marcos na, “hindi ko alam kung maaari itong gawin ng Kamara bilang isang collegiate body.”
Gayunpaman, binigyang-diin niya na maaaring magsampa ng reklamo ang Kamara sa Ethics Committee.
Ayon sa batang Marcos, maari matulad ang sitwasyon ni Co sa nangyari kay dating Negros Oriental Rep. Arnolfo Teves Jr. na tinanggal sa rolls ng Kamara dahil sa indecent conduct at chronic absence.
Matatandaan na nang mabunyag ang usapin sa flood control projects, si Co ay napaulat na nagtungo sa Estados Unidos para sa isang medical treatment.
Una na ring lumutang ang pangalan ni Co sa isyu ng flood control projects sa ipinakitang listahan ni Pangulong Ferdinand Marcos Jr. kung saan ang SunWest Construction ay kabilang sa mga construction firm na nakakuka ng pinamakaraming proyekto ng flood control sa Pilipinas.
Nabanggit din an pangalan ni Co, sa naging pagdinig ng Senado kung saan kabilang siya sa tinutukoy na nakatanggap ng kickback mula sa mag-asawang contractor na si Pacifico at Sara Discaya.
Bukod sa isyu ng ghost at substandard infrastracture project, inaakusahan din si Co-dating chairman ng House Committee on Appropriations at Leyte Rep. Martin Romualdez sa usapin ng ‘insertions” at pagmamanipula sa pagkakagastusan ng pondo o ang 2025 General Appropriations Act (GAA).
Una na ring nagbitiw si Romualdez bilang pinuno ng Kamara at pinalitan ni Isabela Rep. Faustino ‘Bojie’ Dy III bilang Speaker of the House.
