6,191 total reads
Inaanyayahan ni Pope Leo XIV ang mga mananampalatayang Katoliko sa buong mundo na magsama-sama sa panalangin ng Rosaryo para sa Kapayapaan, lalo na sa mga bansang apektado ng digmaan, sa darating na buwan ng Oktubre na inilalaan ng Simbahan para sa Banal na Rosaryo.
Sa kanyang pahayag sa Wednesday General Audience, sinabi ng Santo Papa na ang mga mananampalataya sa Roma ay magtitipon sa St. Peter’s Square sa Oktubre 11, 2025, alas-6 ng gabi.
Hinimok ng pinunong pastol ang lahat na manalangin ng Rosaryo araw-araw — sa sarili, sa pamilya, at sa komunidad.
Inanyayahan din ng Santo Papa ang mga kawani ng Vatican na magsagawa ng daily Rosary sa St. Peter’s Basilica, alas-7 ng gabi, sa buong buwan ng Oktubre.
Binigyang-diin niya sa mga peregrino mula Portugal ang ‘mga pinsalang dulot ng karahasan’ at hinikayat ang lahat na ipalaganap ang pag-ibig ni Hesus, na nagbibigay liwanag at pagpapalago ng kabutihan sa buong sangkatauhan.
Ang Rosary for Peace ay gaganapin kasabay ng Jubilee of Marian Spirituality sa Oktubre 11–12, kasabay ng ika-63 anibersaryo ng pagbubukas ng Second Vatican Council noong Oktubre 11, 1962.
Ang orihinal na imahe ng Our Lady of Fatima ay ilalagay sa St. Peter’s Square para sa panalangin at pagdiriwang.
