9,022 total reads
“Preserving human voices and faces” ang napiling tema ni Pope Leo XIV para sa ika-60 World Day of Social Communications na idaraos sa Mayo 17, 2026, isang linggo bago ang Pentecost.
Inihayag ito ng Vatican bilang pagpapaalala sa kahalagahan ng tunay na tinig at mukha ng tao sa gitna ng mabilis na pag-usbong ng makabagong teknolohiya.
“In today’s communication ecosystems, technology influences interactions more than ever before—from algorithms curating news feeds to AI authoring entire texts and conversations” ayon sa Dicastery for Communication ang siyang nangangasiwa sa taunang pagdiriwang,
Bagama’t kinikilala ng Vatican ang mga benepisyo ng mabilis na pag-unlad ng teknolohiya, na nag-aalok ng bagama’t nagdala ang teknolohiya ng mga bagay na dati’y hindi maiisip, malinaw na hindi nito mapapalitan ang kakayahan ng tao na magpakita ng malasakit, gumawa ng tama, at managot sa moral na pananagutan.
Ayon sa Dicastery, kailangan sa komunikasyon ang pagdedesisyon ng tao at hindi lang datos. Kaya’t dapat manatiling nakasentro sa tao ang hinaharap ng komunikasyon.
“The future of communication must be one where machines serve as tools that connect and facilitate human lives, rather than erode the human voice,” ayon pa sa pahayag ng tanggapan.
Nagbabala rin ang Vatican sa mga panganib na dulot ng artificial intelligence.
“AI can generate engaging but misleading, manipulative, and harmful information; replicate biases and stereotypes from its training data; and amplify disinformation through simulation of human voices and faces. It can also invade people’s privacy and intimacy without their consent.”
Nagbabala rin ito na ang sobrang pagdepende sa AI ay nakakasagabal sa malinaw na pag-iisip at pagkamalikhain, at ang pagkontrol dito ng iilan lamang ay maaaring magdulot ng labis na kapangyarihan at hindi pagkakapantay-pantay.
Dahil dito, binigyang-diin ang kahalagahan ng pagtuturo ng “Media Literacy” at maging “Media and Artificial Intelligence Literacy (MAIL)” sa loob ng pormal na edukasyon.
“As Catholics, we can and should give our contribution, so that people – especially youth – acquire the capacity of critical thinking, and grow in the freedom of the spirit,” ayon sa pahayag.
Ilang ulit nang iginiit ni Pope Leo XIV ang kahalagahan ng pagtugon ng Simbahan sa mga hamong dulot ng AI at makabagong teknolohiya.
Ipinaliwanag ni Pope Leo na ang kanyang napiling pangalan ay hango kay Pope Leo XIII, na sa kanyang makasaysayang Encyclical Rerum Novarum ay tinalakay ang mga suliraning panlipunan noong unang industrial revolution.
“In our own day, the Church offers to everyone the treasury of her social teaching in response to another industrial revolution and to developments in the field of artificial intelligence that pose new challenges for the defence of human dignity, justice and labour,”ayon kay Pope Leo XIV.
Sa isa pang mensahe para sa Second Annual Conference on Artificial Intelligence, Ethics, and Business Governance, binigyang-diin ni Pope Leo na ang mabuti o masamang dulot ng AI ay dapat suriin batay sa pinakamataas na moral na pamantayan —ang paggalang at pangangalaga sa dignidad ng bawat tao, maging sa yaman ng kultura, pananampalataya, at pagkakaiba-iba ng mga tao sa buong mundo.
