Magsasagawa ang Caritas Manila ng fundraising concert-ang PADAYON Pag-ibig, Damayan sa Pag-ahon, na ilalaan para mga biktima ng nakalipas na lindol sa Visayas at ng Bagyong Tino.
Sa pakikipagtulungan ng Radio Veritas bilang official media partner at Viva, Ang PADAYON Pag-ibig, Damayan sa Pag-ahon ay gaganapin sa December 8, ikawalo ng gabi sa Meralco Theater.
Ilan sa mga magtatanghal sina Angela Muji, Ashtine Olviga, Aubrey Caraan, Carlo, CJ Villavicencio at Dana Pauline.
Sina Heart Ryan, Jastine Lim, Juan Caoile, Keagan De Jesus, Kiel, Kurt Delos Reyes at marami pang iba sa direksyon ni Paul Basinillo.
Ang tiket ay mabibili sa Viva sa halagang P1,000, P1,500 at P2,500.
Para sa karagdagang impormasyon, makipag-ugnayan lamang sa official facebook page ng Caritas Manila at Viva.
Matatandaang labis na naapektuhan ng malakas na lindol ang Central Visayas at Bicol Region, kung saan naitala ang 79 katao na nasawi sa pagyanig, na sinundan pa ng malakas na Bagyong Tino na nakapagtala naman ng 232 kataong nasawi.
Ito ang mensahe ni Papal Nuncio to the Philippines, Archbishop Charles Brown, sa pagluklok kay Bishop Nick Vaquilar bilang ikaapat na Obispo ng Diocese of Urdaneta.
Binigyang-diin ng nuncio na ang isang obispo ay tinatawagan upang maging tunay na pastol na kasama ng kaniyang kawan sa paglalakbay ng pananampalataya.
“In that synodal process, the bishop walks with his people. He speaks to his people. He leads his people. He listens to his people. He loves his people. And he keeps the caravan together and on the path that leads to its destination,” ayon kay Archbishop Brown.
Dagdag pa ng kinatawan ng Santo Papa, ito ang diwa ng isang synodal Church na patuloy na itinataguyod nina Pope Francis at Pope Leo XIV, kung saan ang obispo ay hindi lamang namumuno kundi nakikinig, nagmamahal at nakikilakbay kasama ng mga mananampalataya.
Iginiit din ni Archbishop Brown na hindi maaaring maging epektibong pastol ang isang obispo kung hindi ito malapit sa kanyang nasasakupan.
Ipinaliwanag din ng nuncio ang mahalagang papel ng obispo sa buhay ng Simbahan bilang tagapagbigay ng sakramento ng orden sa mga pari na siyang nagdiriwang ng Eukaristiya.
“The bishop ordains priests. Without priests, there is no Eucharist. Without the Eucharist, there is no sacramental life in the Church,” aniya.
Samantala, sa kanyang mensahe , inilahad ni Bishop Vaquilar ang direksiyong tatahakin ng kanyang paglilingkod bilang bagong pastol ng diyosesis.
Inihalintulad niya ang kanyang misyong pastoral sa makasaysayang tornaviaje ni Andrés de Urdaneta, ang rutang nagbigay-daan sa ligtas na pagbabalik ng mga manlalayag sa kanilang mga tahanan.
“As your bishop, I believe that I have been called to help people find their way home—not to another country, but to God,” ayon kay Bishop Vaquilar.
Tiniyak din ng bagong obispo ang kahandaang makinig at makilakbay sa halos isang milyong mananampalataya sa diyosesis.
“As I begin my ministry among you, I come not with all the answers, but with a listening heart. I come with two ears ready to listen, two hands willing to serve, and one heart that desires to love this diocese as Christ loved His Church,” giit ni Bishop Vaquilar.
Binigyang-diin ni Bishop Vaquilar na hangad niyang makasama ang buong diyosesis sa paglalakbay ng pananampalataya bilang isang tunay na sambayanang sinodal na sama-samang nagdarasal, naglilingkod at naglalakbay patungo sa kaharian ng Diyos.
Itinalaga ni Pope Leo XIV si Bishop Vaquilar bilang ikaapat na obispo ng Urdaneta noong May 3, kapalit ni Bishop Emeritus Jacinto Jose, na nagretiro matapos maabot ang mandatory retirement age ng isang obispo at matapos ang mahigit dalawang dekada ng paglilingkod sa diyosesis.
Nagbuklod ang may 29 na obispo para sa installation at canonical possession ni Bishop Vaquilar sa Immaculate Conception Cathedral sa Urdaneta City, kung saan nakatuwang ni Archbishop Brown sina Manila Archbishop Jose Cardinal Advincula, Lingayen-Dagupan Archbishop Socrates Villegas, at Bishop Jose.
Reyn Letran - Ibañez
Tuesday, July 28, 2026 3:14 pm
4,799 total views
Iginiit ng IBON Foundation na kinakailangang maglatag ang pamahalaan ng pangmatagalang mga programa upang matugunan ang mga pangunahing suliranin sa ekonomiya, kabilang ang kawalan ng trabaho at pagpapalakas ng agrikultura at iba pang industriya ng bansa.
Sa panayam sa espesyal na programang “Pag-uulat sa Bayan: State of the Nation Address 2026” ng Radyo Veritas, sinabi ni Rosario Bella Guzman, Executive Editor at Head of the Research Department ng IBON Foundation, na bagama’t binigyang-diin ni Pangulong Ferdinand Marcos Jr. ang epekto ng oil price shocks sa ekonomiya, hindi naman aniya naging sapat ang mga inilahad na tugon ng pamahalaan.
Ayon kay Guzman, kapansin-pansin din ang kakulangan ng mga long-term solution o pangmatagalang hakbang upang lutasin ang mataas na antas ng kawalan ng trabaho sa bansa.
“So parang bitin kasi kapag State of the Nation dapat ang latag nun, ano yung mas long-term na maaddress niya yung structural problems. So again para sa IBON Foundation hinihintay natin yung paglatag ng program, economic planning that will create jobs, that will revitalize genuinely yung agrikultura at industriya…” Ayon kay Guzman.
Binigyang-diin din nito na sa halip na umasa lamang sa pagpasok ng dayuhang pamumuhunan, mahalagang magkaroon ng komprehensibong plano upang makalikha ng disenteng trabaho para sa mga Pilipino at mabawasan ang patuloy na pag-alis ng mga manggagawa upang magtrabaho sa ibang bansa.
Kaugnay nito bahagi ng itinuturo ng Catholic Social Teaching na ang ekonomiya ay nararapat maglingkod sa tao at hindi ang tao para sa ekonomiya.
Nasasaad sa panlipunang turo ng Simbahan na ang tunay na pag-unlad ay nasusukat sa paglikha ng marangal na hanapbuhay, pagpapalakas ng lokal na produksyon, at pagtiyak na ang bunga ng kaunlaran ay mararamdaman ng lahat, lalo na ng mga mahihirap at manggagawa.
Jerry Maya Figarola
Tuesday, July 28, 2026 2:18 pm
5,326 total views
Tiniyak ng Catholic Educational Association of the Philippines (CEAP) ang pagsusulong ng kahalagahan sa mas matibay na pakikipagtulungan ng mga Local Government Units (LGU) at mga paaralan upang maisulong ang kalidad, inklusibo, at pangmatagalang pagbabago o pag-unlad para sa sektor ng edukasyon.
Sa isinagawang CEAP Special Learning Session na may temang “LGU Threads: LGUs as Champions of Educational Change,” inihayag ni CEAP Executive Director Narcy Ador Dionisio na mahalagang gampanan ng mga LGU ang mas aktibong pakikiisa sa pagpapatibay ng pundasyon ng edukasyon.
““We are here to learn from Baguio City and its vision of people empowerment through education, and how its initiatives create an enabling environment where communities can flourish,” pahayag ni Dionisio
Binigyang-diin din ang mga rekomendasyon ng Second Congressional Commission on Education (EDCOM 2), kabilang ang pamumuhunan sa unang 1,000 araw ng bata, pagpapabuti ng nutrisyon sa paaralan, pagpapalawak ng Early Childhood Care and Development, at pagpapalakas ng batayang pagbabasa at wastong pag-unawa sa mga babasahin.
Ibinahagi naman ni Baguio City Mayor Benjamin Magalong na hindi lamang tungkulin ng mga paaralan ang paghahatid ng kalidad na edukasyon kundi ng buong komunidad dahil mahalaga ang pakikipagtulungan ng mga LGU, mga paaralan, pamilya, pribadong sektor, at iba pang katuwang upang makalikha ng kapaligirang nagbibigay ng pantay na oportunidad sa bawat mag-aaral.
Kabilang sa mga inilahad niyang inisyatibo ay ang pagsusulong ng Parent Academy, pagpapalakas ng Local School Board, at pakikipag-ugnayan sa mga institusyong gaya ng Saint Louis University para sa mga programa sa literasiya, kalusugang pangkaisipan, at pananaliksik.
“The systems that you build are not dependent on who sits as the leader. We are creating a legacy that does not need to be identified with us but is part of the institution’s DNA so that it will be able to endure leadership transitions,” bahagi pa ng mensahe ni Magalong.
Kasabay nito, hinikayat ng CEAP ang mga paaralan at lokal na pamahalaan na patuloy na bumuo ng matatag na sistemang pang-edukasyon na magtatagal lampas sa pagbabago ng mga lider.
Kaugnay nito, patuloy ding binibigyang-diin ng Simbahan ang kahalagahan ng edukasyong nakabatay sa pakikipagtulungan, pananagutan, at pagsusulong ng dignidad ng bawat bata, alinsunod sa panawagan ni Pope Leo XIV na gawing sentro ng pag-unlad ng lipunan ang tao, lalo na ang kabataan.
21,905 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan
63,760 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
179,105 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
207,399 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
252,342 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
1,338 total views Naniniwala ang isang political analyst at dating opisyal ng pamahalaan na maaring seryoso na nga ang Pangulong Ferdinand Marcos Jr. sa sinasabi nitong
20,620 total views Nanawagan si House Speaker Faustino Dy III sa mga Pilipino na muling isabuhay ang mga pangunahing pagpapahalagang Pilipino bilang susi sa mas matatag
11,635 total views Iniutos ng Senate Impeachment Court ang pagpapalabas ng subpoena para sa dalawang dating opisyal ng Land Bank of the Philippines na haharap bilang
11,278 total views Patuloy na bumababa ang tiwala ng mga Pilipino sa China habang tumataas naman ang antas ng pagdududa sa pamahalaan nito. Batay sa pinakahuling
