68,079 total reads
Hinimok ni Catarman Bishop Nolly Buco ang mga mananampalataya na higit pang paigtingin ang sama-samang paglalakbay bilang simbahan.
Sa kanyang mensahe sa taong 2026 sinabi ng obispo na ito ang ‘Year of Grace’ na pagkakataong palakasin ang pagsusulong sa simbahang sinodal.
“As we begin the year 2026, a new chapter unfolds before us, a year designated as the “Year of Grace” within our journey as a synodal Church. This special year invites us to deepen our communion with Christ, to walk together in trust and humility, and to discern God’s will through actively listening and shared discernment,” ayon sa pahayag ni Bishop Buco.
Paliwanag ni Bishop Buco na ang temang ‘kaloob’ ay isang paalala sa walang hanggang awa at pag-ibig ng Panginoon sa sangkatauhan kaya’t ito rin ay maituturing na pundasyon ng pananampalataya at makatutulong upang lumago sa kabanalan, pagbubuklod at paglilingkod sa kapwa.
Sinabi ng obispo na bilang simbahang sinodal, mahalagang maisabuhay ang diwa ng pakikilakbay sa kapwa lalo na sa mga naisasantabi at mahihinang sektor ng lipunan.
“As a synodal Church, we are called to journey together, listening to the Holy Spirit in our midst, engaging in open dialogue, and embracing the diversity of gifts within our community,” ayon sa obispo.
Umaasa ang obispo na ang Year of Grace ay magiging inspirasyon upang patuloy na maging simbahang bukas sa lahat, nakikilahok, at maging misyonerong nakikilakbay sa mga dukha at mahihina.
“May this year be a time of renewal, healing, and hope, a year to experience and share God’s grace in our families, communities, and the world…Let us listen more attentively, speak kindlier, and act more compassionately, embodying the love of Christ in everything we do,” dagdag ni Bishop Buco.
Dalangin ni Bishop Buco na sa diwa ng biyaya ng Panginoon at paggabay ng Banal na Espiritu ay mapagtatagumpauan ng lokal na simbahan ng Catarman ang paglalakbay sa diwa ng pananampalataya, pag-asa at pag-ibig na nakaugat kay Hesukristo.
