28,908 total views
Binigyang-diin ng Obispo ng Simbahang Katolika ang kahalagahan ng pananampalataya, integridad, at pagtutulungan sa pampublikong paglilingkod.
Ito ang sentro ng homiliya ni Tandag Bishop Bishop Raul Dael sa misang ginanap sa House of Representatives kasabay ng paggunita ng Ash Wednesday, hudyat ng pagsisimula ng 40 araw na Kuwaresma bilang paghahanda sa pagpapakasakit at pagkamatay ni Hesus.
“We came here because we believe that faith and governance are not enemies, that moral conviction can strengthen our service, that awareness of God’s presence unifies systems, that prayer and inspire. Imagine what could happen if this house truly worked together beyond divisions, beyond personal interests, committed to gradually eradicating corruption, patiently reducing poverty, and consistently promoting the common good,” ayon kay Bishop Dael na aniya sa kabila ng layo ng kanilang pinanggalingan at dami ng trabaho sa diyoseis ay nagtungo sa Kamara para magmisa bilang paggunita sa Ash Wednesday.
Ipinaalala ng Obispo na sa panahong ito, hinikayat ang bawat isa sa pananalangin, pag-aayuno, at pangingilin bilang paraan ng pagpapanibago at pagpapalalim ng pananampalataya.
Binigyang-diin ni Bishop Dael na ang tunay na pagbabago sa lipunan ay nagsisimula sa pagkakaisa ng mga lider ng Simbahan at pamahalaan sa katapatan at malasakit.
Ayon sa kaniya, ang katiwalian ay hindi kailangang maging kapalaran, at ang kahirapan ay hindi nakatakdang maging permanente sa sambayanang Pilipino.
Pinaalalahanan din niya ang mga mambabatas na ang Kapulungan ay higit pa sa isang lugar ng debate, kundi bilang sagradong lugar kung saan naririnig ang daing ng mga mahihirap, bata, matatanda, at mga pamilyang nahihirapan.
Ayon sa Obispo, naroroon ang taumbayan sa tinig ng bawat mambabatas na kanilang kinakatawan.
“They are here in your voices. You are their representatives. They are here in your voice. This House is not merely a place for debate or legislative procedure. It is a sacred space, and within these walls, the cries of the people and the groaning of creation rise and await a response. And that is why compassion matters so deeply here,” ayon sa homiliya ng obispo.
Ipinunto pa ni Bishop Dael na ang politika ay isang bokasyon—isang tawag mula sa Diyos upang maglingkod para sa kabutihan ng nakararami. Kapag isinabuhay nang may kababaang-loob at dedikasyon, ang pampublikong tanggapan ay nagiging sakripisyo at kawanggawa para sa buong bansa.
Dagdag pa ni Bishop Dael, “In a profound sense, our elected servants are ambassadors of their people. Yes, but also ambassadors in conscience, of something greater than themselves, truth, justice, and the common good. Pope Francis once said that politics, although often denigrated, remains a lofty, a noble vocation and one of the highest forms of charity. It is not simply professional. It is a vocation.”
Pinuna ng Obispo ang malawakang korapsyon, na hindi lamang paglabag sa batas kundi espiritwal na pagkabulok, na nananakaw sa silid-aralan, ospital, at serbisyong panlipunan, at sumisira sa tiwala ng taumbayan. Binigyang-diin niya na ang Kuwaresma ay panahon ng pagsusuri ng budhi at paninindigan, at hindi lamang pagpapakita ng imahe.
Tinapos ni Bishop Dael ang kanyang homiliya sa hamon sa lahat ng miyembro ng Kapulungan na maging halimbawa ng malasakit, integridad, at pananagutan.
Hinimok niya ang lahat na manatiling bokasyon ang paglilingkod—isang tawag mula sa Diyos para sa kapakanan ng bayan.
“To the members of the House, leadership is never solitary. Authority is never self-generated. You lead because many support you. You stand because many people are at your back and a pole. And when that support is generous, patient, and faithful, it becomes a moral responsibility to lead with equal generosity, humility, and vigor. This obedience should deepen gratitude and gratitude should shape behavior,” ayon kay Bishop Dael.
