551 total reads
Nadagdagan ng 6,247 na mga bata ang natulungang makaahon at nailigtas sa malnutrisyon sa bisa ng Fast 2 Feed Program ng Pondo ng Pinoy at Hapag-asa Integrated Nutrition Program.
Ito ang naging beneficiary ng Hapag-asa Integrated Nutrition Program ng Pondo ng Pinoy mula 2023 hanggang 2025.
Tiniyak naman ng Pondo ng Pinoy ang pakikipagtulungan sa Hapag-asa Integrated Nutrition Program at iba pang institusyon tungo sa pagpapakain sa mga nagugutom at tuluyang mawala ang malnutrisyon sa lipunan.
“Sa tulong ng Fast2Feed, patuloy na isinasakatuparan ng Hapag-Asa Integrated Feeding Program ang misyon ng Pondong Pinoy Feeding Program na maghatid ng pagkain, pag-asa, at kalinga sa mga bata, Taos-puso kaming nagpapasalamat sa lahat ng patuloy na sumusuporta sa misyong ito. Dahil sa inyong malasakit, mas marami pang batang nangangailangan ang naaabot ng tulong,” ayon sa mensahe ng Pondo ng Pinoy.
Inaanyayahan din ng institusyon ang mga Pilipino na patuloy na suportahan ang kanilang mga programa para mai-ahon sa kahirapan ang mga benepisyaryo.
“Inaanyayahan namin ang lahat na patuloy na makiisa at suportahan ang Pondong Pinoy Fast2Feed Campaign kasama ang Hapag-Asa Integrated Feeding Program upang mas marami pang bata ang mabigyan ng sapat na nutrisyon at pag-asa para sa kanilang kinabukasan,” ayon pa sa mensahe ng Pondo ng Pinoy.
Sa datos nang United Nations Children’s Fund, 95-batang Pilipino ang namamatay kada araw dahil sa malnutrisyon, habang nananatiling suliranin din sa bansa ang stunting o pagkabansot ng mga batang nasa edad limang taong gulang pababa dahil sa malnutrisyon.
