8,968 total reads
Nanawagan ang EcoWaste Coalition sa mga lider ng simbahan at lokal na pamahalaan na isulong ang mas simple at matipid na pagdiriwang ng mga pista ngayong tag-init.
Kasabay ito ng patuloy na pagtaas ng presyo ng langis at gas sa pandaigdigang merkado dulot ng tensyon sa Gitnang Silangan.
Ayon sa grupo, ang pagmahal ng produktong petrolyo ay nagdudulot ng dagdag-pasanin sa ekonomiya ng maraming bansa kabilang ang Pilipinas, kaya’t mahalagang magtipid at maging responsable sa paggamit ng limitadong yaman.
Ipinaliwanag ni EcoWaste Coalition Zero Waste Campaigner Ochie Tolentino, na dapat magtulungan ang mga opisyal ng simbahan, lokal na pamahalaan, at mga barangay upang makapagplano ng mas payak na pagdiriwang.
“Amid the spiraling fuel prices, we implore our church and local government leaders, including our barangay officials, to work with their constituents in planning for simpler celebrations to ensure that scarce resources are not wasted and are spent to meet the essential needs of vulnerable families,” ayon kay Tolentino.
Dagdag pa ni Tolentino, maaaring ilaan ang matitipid na pondo upang makatulong sa mga sektor na lubhang apektado ng oil price hike tulad ng transportasyon, pangingisda, at pagsasaka.
Kaugnay nito, ibinahagi ng EcoWaste Coalition ang ilang mungkahi para sa mas makakalikasan at matipid na pagdiriwang ng pista, tulad ng pag-iwas sa paggamit ng mga disposable na dekorasyon tulad ng banderitas at tarpaulin, pagbawas sa paggamit ng ilaw at paputok, paghahanda ng sapat na pagkain upang maiwasan ang food waste, at paggamit ng reusable na lalagyan sa pagkain at inumin.
Iminungkahi rin ng grupo ang pagbuo ng community pantry, pag-iwas sa labis na pag-inom ng alak, at pagpili ng mga larong hindi nangangailangan ng maraming materyales, tulad ng patintero, piko, at tumbang preso.
Ayon sa grupo, ang pagtitipid sa pista ay hindi lamang nakakatulong sa kapaligiran kundi nagbibigay-daan din upang maibahagi ang natipid na yaman sa mga nangangailangang kapwa sa komunidad.
“Keeping community celebrations simple will help in cutting the volume and toxicity of fiesta garbage, which is vital given the ongoing pollution crisis,” giit ni Tolentino.
Sa katuruan ng Simbahang Katolika, ang kasiyahan ay hindi nasusukat sa karangyaan, kundi sa pagbabahagi, pangangalaga sa kalikasan, at paglingap sa mga higit na nangangailangan.
Kasunod ito ng pagbibigay proteksyon sa mga matutukoy na vulnerable sector at pagtatatag ng mga matitibay na lokal na programa upang tugunan ang mga humanitarian aid initiative.
“Standardized approaches and procedures for humanitarian aid, Formation of Humanitarian Response Teams (at the Parish, Vicariate and diocese) and CMEAL (Community-led Monitoring Evaluation Accountability and Learning). Together, we continue building a more responsive, accountable, and compassionate humanitarian mission for our communities,” bahagi pa ng mensahe ng Caritas Philippines.
