9,705 total reads
Kinilala ang Healing Mass sa Veritas bilang Best AM Radio Program sa kauna-unahang FAMAS Broadcast Arts Awards 2026, isang parangal na inialay ng pamunuan ng Radio Veritas sa Diyos at sa lahat ng katuwang sa ministeryo ng ebanghelisasyon sa himpapawid.
Sa kanyang acceptance speech, nagpahayag ng taos-pusong pasasalamat si Radio Veritas President Rev. Fr. Roy Bellen sa Filipino Academy of Movie Arts and Sciences (FAMAS), mga kapwa broadcaster, artista, at mga tagapakinig sa buong bansa.
“Maraming, maraming salamat po! We are humbled and overjoyed to receive this award as Best AM Radio Program for Healing Mass sa Veritas at this first-ever FAMAS Broadcast Arts Awards!” Bahagi ng pahayag ni Fr. Bellen.
Binigyang-diin ng Pari na ang pagkilalang natanggap ng programa ay patunay ng malalim na uhaw ng tao sa espiritwal at banal na karanasan, sa kabila ng kasiyahan at aliw na hatid ng mundo ng entertainment.
“Behind the smiles and laughter that the world of entertainment brings lies a deep thirst for the spiritual and the transcendental — and this award reminds us of that sacred truth.” Dagdag pa ni Fr. Bellen.
Ayon kay Fr. Bellen, ang tropeong natanggap ng Radio Veritas ay hindi lamang para sa istasyon kundi para sa bawat obispo, pari at mga layko na bumubuo sa programa, sa mga boluntaryong naglilingkod, sa production team, at sa mga tagapakinig na may pananampalatayang nakikibahagi sa programa.
“This trophy does not belong to our station alone. It belongs to every bishop and priest who presides, every volunteer who serves, every listener who tunes in with faith, and every soul who finds light, comfort, and purpose in our broadcasts.” Ayon pa kay Fr. Bellen.
Ipinahayag din ni Fr. Bellen na ang parangal ay nagsisilbing panibagong pangako ng Radio Veritas na patuloy na magsalita ng katotohanan, magbahagi ng pag-asa, at tumindig kasama ng sambayanang Pilipino.
“For Radio Veritas, this honor is a renewed promise: we will keep speaking truth, sharing hope, and standing with our people — because the greatest stories we tell are those of God’s love and our shared journey as one Filipino family,” Ani pa ng Pari.
Ang Healing Mass sa Veritas ay isa sa mga pangunahing programa ng Radyo Veritas tampok ang pagdiriwang ng Banal na Misa at mensahe ng kagalingan, pag-asa, at pananampalataya sa libu-libong tagapakinig sa buong bansa at sa iba’t ibang panig ng mundo.
