707 total reads
Nanawagan si San Carlos Bishop Gerardo Alminaza, Chairperson ng Church People-Workers Solidarity o CWS, para sa masusing pagsusuri at malawak na konsultasyon sa planong malaking Artificial Intelligence o AI at semiconductor development sa New Clark City, Tarlac, na bahagi ng inisyatibo ng ‘Pax Silica’.
Ayon sa CWS, bagamat may posibilidad ang proyekto na magdala ng investments, trabaho, technological advancement at skills development, ngunit hindi dapat maging kapalit nito ang dignidad ng tao, karapatan ng mga manggagawa, kapakanan ng mga komunidad at pangangalaga sa kalikasan.
““We do not begin with a predetermined rejection of Pax Silica, Neither do we give it a blank check, Our position is one of critical and constructive engagement. Where it serves human dignity, decent work, ecological sustainability, national development, and the common good, let us support it.Where safeguards are inadequate, let us demand better,” ayon sa mensahe ni Bishop Alminaza na pinadala ng CWS sa Radyo Veritas.
Partikular na hiniling ng CWS ang transparency sa paggamit ng lupa, tubig at enerhiya, gayundin ang independent environmental, social at human-rights assessments bago gumawa ng mga desisyong maaaring maging irreversible o maisasaayos pa.
Iginiit din ng CWS na hindi sapat ang dami ng trabahong maaring malikha, kundi dapat tiyakin ang living wages, security of tenure, ligtas na lugar ng trabaho, social protection at pagkakataon para sa skills development at technology transfer ng mga Pilipinong manggagawa.
Hinikayat naman ni Bishop Alminaza ang pamahalaan, industriya, mga manggagawa, katutubo, lokal na komunidad, akademya, mga simbahan at civil society na makilahok sa isang bukas at makabuluhang pambansang pag-uusap tungkol sa Pax Silica.
“Technological progress that produces precarious workers is not genuine progress, The future of work must also be a future of dignity, The Philippines must not simply provide land, water, energy, minerals, incentives, and labor while most of the enduring economic value is captured elsewhere, International cooperation can be mutually beneficial—but genuine partnership requires reciprocity, fairness, and respect for national sovereignty,” ayon pa sa mensahe ni Bishop Alminaza.
Binigyang-diin ng CWS na hindi nito tahasang tinatanggihan ang proyekto, ngunit hindi rin ito nagbibigay ng blankong tseke, at naninindigan sa kritikal at konstruktibong pakikilahok upang matiyak na ang pag-unlad ay nagsisilbi sa dignidad ng tao, disenteng trabaho, kalikasan at kabutihang panlahat.
