573 total reads
Ito ang panawagan ni Diocese of Tagum Social Action Director Father Emerson Luego sa pamahalaan sa 1-year extension ng umiiral na batas militar sa Mindanao.
Kumbinsido ang Pari na malaki ang naitutulong sa ngayon ng umiiral na martial law para matiyak ang seguridad at kaligtasan ng mga mamamayan sa Davao Del Norte at Compostella Valley sa kabila ng mga nagaganap na engkwentro sa pagitan ng tropa ng gobyerno at rebeldeng komunista.
“Basta sa pananaw ko lang wala lang mga karapatang pantao na malalabag sa extension natin ngayon so far wala naman kaming narinig lalo na dito sa Davao del Norte at Compostella Province and in fact may mga engkwentro pa rin na nangyayari…” pahayag ni Father Luego sa panayam sa Radio Veritas.
Aminado naman ang Pari na hindi na bago sa mga mamamayan ang presensiya ng mga pulis at sundalo sa lalawigan dahil sa malaking bilang ng mga rebeldeng NPA sa lugar.
“Alam natin na throughout the Philippines itong nasasakop namin na probinsiya nandito yung pinakamaraming units ng military, imagine in one province merong walong units, merong isang division, isang brigade at anim na battalion ng sundalo kasi napakarami talaga nung tinatawag na NPA.” Pahayag Father Luego.
Ibinahagi ni Father Luego na wala pang negatibong reaksyon ang mga mamamayan at maging ang Simbahan sa lalawigan sapagkat ramdam nila kaligtasan mula sa banta ng mga armadong grupo.
“Kaya siguro kahit kami sa Simbahan, narinig ko rin sa mga kasamang kaparian wala namang violent reaction even to the people if you will ask them, they would always tell you na iba ang takbo ng Martial Law ngayon kesa Martial Law noon na naranasan nila kasi ngayon para bang nandoon yung security talaga nila, yun ang very concern po.” Pagbabahagi pa ni Fr. Luego.
Ang Diocese of Tagum na may higit sa 1.3-milyong mga Katoliko ay may 29 na mga parokya na bahagi ng Ecclesiastical Province of Davao.
