302 total views
Hindi pa aprubado ang P10 na pagtaas sa sahod ng mga manggagawa sa Metro Manila.
Ito ang nilinaw ng Department of Labor and Employment kaugnay ng kumakalat sa Facebook page ng DOLE – National Capital Region na pagtaas ng P10 wage increase.
Ayon kay Labor Communications Director Nicon Fameronag, kailangan pa itong idaan sa isang deliberasyon kasama ang ilang kinatawan mula labor commission, employers at gobyerno.
Tiniyak naman nito na sakaling ma – aprubahan ang naturang Wage Order ay ilalathala nila ito sa mga pahayagan upang mabigyan ng karampatang impormasyon ang publiko ukol dito.
“I – aafirm pa yan ng komisyon kasi katatapos pa lang ng kanilang deliberation. The commission will look into it. May meeting kami this week. Hindi ako makakapag – salita tungkol dun sa mga member sa mga representative ng labor ng komisyon will commit. Kasi tripartite yan di ba, may labor, may management, my employer, may gobyerno. Tatlo yung mag – uusap sa affirmation,” bahagi ng pahayag ni Fameronag sa panayam ng Veritas Patrol.
Mula 2010 hanggang 2015 naitala sa panunungkulan ni Pangulong Benigno Aquino ang pinakamababang pagtaas ng sweldo at coast of living allowance sa Metro Manila na umabot lamang sa P99.
Tinatayang nasa kalahating milyong manggagawa sa Metro Manila ang makikinabang sa naturang umento sa sahod.
Sa social teaching ng Simbahang Katolika mahalagang bigyang prayoridad ang sweldo ng manggagawa batay sa pagggalaw ng presyo ng mga pangunahing bilihin upang mamuhay sila ng may dignidad.
