607 total reads
Ikinatuwa ni Fr. Pete Montallana, coordinator ng Diocese of Infanta’s Indigenous Peoples’ Apostolate at lead convernor ng SILAI o Sikap-Laya Inc., ang pahayag ng administrasyong Duterte na walang demolisyon kung walang relokasyon.
Ayon sa pari, ito ang kailangan ng mahihirap ngayon, ang tunay na tulong mula sa pamahalaan kaya’t kinakailangan din aniya na maibalik ang restorative justice sa bawat isa lalo na ang Pilipinas ay para sa lahat ng mga Filipino at hindi para sa iilang tao lamang.
“Akoy natutuwa sa deklarasyon ni incoming president Duterte na kung walang demolisyon walang relokasyon yun ang kailangan ng taong-bayan at kung titingnan sa kasaysyan ang kahirapan ay hindi ganito ng tao kundi minana natin sa sistema ng di makatarungan gaya ng pang-aaagaw ng mga lupa, sa Sri Lanka ang lupa ay pag-aari lahat ng gobyerno at ang tao na nangangailangan ng lupa ay binibigyan, ‘yan ang dapat ang lupa ay pantay para sa lahat, ang mayayaman nang-agaw ng titulo at pagkatapos na-eject ang mahihirap, ang panawagan ng Diyos sa atin, ay mahalin ang isat-isa lalo na ang mga dukha, kaya ‘yung restorative justice na maibalik natin sa bawat isa dahil lahat tayo ay nilalang na Filipino para sa Pilipinas at hindi ang Pilipinas para sa iilang tao lamang.” Pahayag ni Fr. Montallana sa panayam ng Radyo Veritas.
Pahayag pa ni Fr. Montalla, dapat ring matigil ang katiwalian sa gobyerno upang mapunta mismo sa taong-bayan ang serbisyong nais nila na sila ang dapat makinabang lalo’t mula sa kanila ang pondo.
Ayon sa pari, ang magandang pundasyon gaya ng tahanan ang sisimulan ng tao para makapagbagong buhay tungo sa kaunlaran.
“Kailangan ng in-site and on-site relocations, para malapit sila sa trabaho nila maraming pera ang gobyerno pero di naman nagagamit sa taong bayan nilalagay lang sa bulsa, kaya itong kanyang sinasabi na malabanana ang katiwalian at unahin ang mahihirap, gaya sa Singapore, inayos talaga ang relokasyon kaya ang mga tao dahil may pundasyon na maganda nagsumikap na, gaya sa Bagong Bario, ibinigay sa tao binayaran nila unti unti, ngayon ang Bagong Bario umunlad na nga ng husto.” Ayon pa kay Fr. Montallana.
Sa ulat ng Metro Manila Development Authority noong 2011, 25 porsiyento ng populasyon ng Metro Manila ay squatters.
