602 total reads
Nilinaw ng Department of Education (DepEd) na wala pang pagpapaliban ng mga ‘graduation rites’ ngayong taon.
Ayon kay Education secretary Leonor Briones, wala pang dahilan para ikansela ang mga commencement exercises ng mga estudyante sa pampublikong paaralan mula kinder hanggang senior high school.
“So far, wala pa kaming plano na mag-postpone o mag-cancel. It is always on the advised of the Department of Health,” ayon kay Secretary Briones.
Inaasahang gagaganapin ang mga pagdiriwang ng pagtatapos ng mga mag-aaral sa huling lingo ng Marso o unang linggo ng Abril.
Binigyan diin pa ng kalihim na nanatiling silang nakaantabay sa magiging abiso ng Department of Health kaugnay na rin sa sitwasyon ng corona virus disease o COVID 19 sa bansa.
Una na ring pinaalalahanan ng DepEd ang mga paaralan sa pampublikong paaralan na patuloy na pairalin ang kalinisan, at pag-iingat sa mga isasagawang programa at pagtitipon bilang pag-iwas sa pagkalat pa ng COVID 19.
Sa bahagi ng simbahan, una na ring nagpalabas ng panuntunan ang Catholic Bishops Conference of the Philippines (CBCP) tulad ng pagtanggap ng komunyon sa pamamagitan ng kamay at pagyukod bilang pagbati ng kapayapaan sa misa.
