17,214 total reads
Absolute pardon ni Mary Jane Veloso, nilagdaan ni PBBM
Pinagkalooban ni Pangulong Ferdinand Marcos Jr. ng absolute pardon si Mary Jane Veloso.
Ayon sa Pangulo na nilagdaan niya ang pardon para kay Veloso kahapon, Setyembre 24.
Si Veloso ay kasalukuyang nakadetine sa Correctional Institution for Women sa Mandaluyong City, matapos mailipat sa Pilipinas mula Indonesia noong Disyembre 2024.
Umabot sa mahigit 15 taon ang pagkakakulong ni Veloso sa Indonesia matapos siyang maaresto noong 2010 dahil sa pagkakadawit sa pagdadala ng 2.6 kilo ng heroin.
Hinatulan si Veloso ng kamatayan noong 2010, ngunit nabawasan ang kanyang sentensiya noong 2015 matapos ang apela ng pamahalaang Pilipinas.
Noong Disyembre 2024, inilipat sa Pilipinas ang kustodiya kay Veloso matapos ang kasunduan ng dalawang bansa.
Bago ipagkaloob ang absolute pardon, una ng kinumpirma ng Malacañang na pinag-aaralan ang kahilingan ni Veloso batay sa humanitarian grounds at iba pang legal na usapin.
