132 total views
Itinalaga ni Pope Leo XIV si Fr. Sean Mejia bilang bagong obispo ng Apostolic Vicariate of Tabuk.
Si Bishop-elect Mejia ang kasalukuyang administrator sa lugar makaraang maging sede vacante noong February 2025 sa paglipat ni Bishop Prudencio Andaya Jr. sa Cabanatuan.
Ipinanganak noong March 3, 1972 sa Bulanao, Tabuk City, Kalinga.
Nagtapos ng kanyang philosophy sa San Pablo Seminary sa Baguio City at theology naman sa Immaculate Conception School of Theology sa Vigan City.
Nagkamit ng licentiate ng canon law sa Pontificia Universita Urbaniana sa Roma.
Si Bishop-elect Mejia ay inordinahang pari noong October 19, 1999.
Naglingkod sa bikaryato sa iba’t ibang tanggapan kabilang na ang pagiging director ng Faith and Doctrine Commission at Ecology Desk.
Siya rin ay nagsilbing chancellor at vicar general ng bikaryato bago maging pro-apostolic vicar o adminstrator noong March 2025.
Si Bishop-elect Mejia rin ay naging pangulo ng St. Louis College of Bulanao.
Siya ang ikatlong obispo ng Tabuk na isang missionary jurisdiction na itinatag noong 1992.
Sa kasalukuyan mayroong 22 parokya at mission stations ang bikaryato na pinangangasiwaan ng 25 diocesan priests katuwang ang iba’t ibang religious congregations na nagmimisyon sa lugar.
