31,586 total reads
Hinikayat ng Caritas Philippines ang mga batang mahilig mag-kuwento o ‘storytellers’ na lumahok sa Mobile Filmmaking Competition na bahagi ng ‘CaritasPHConnects: “Mga Kwentong Pag-asa at Pananagutan.”
Layunin ng patimpalak na mabigyan ng pagkakataon ang kabataan na lumikha ng maikling video kung paano nakaapekto sa kanilang buhay ang Caritas Philippines o kung paano sila naging bahagi ng misyon nitong isabuhay ang pagmamahal sa kapwa.
Ang limang pinakamahusay na kwento ay itatampok sa mga opisyal na plataporma ng Caritas Philippines, sa mga pangunahing gawain nito, at isasama sa Caritas PH Connects Storybank.
“CaritasPHConnects: “Mga Kwentong Pag-asa at Pananagutan” invites young storytellers to join our Mobile Filmmaking Competition and create a short video that tells how Caritas Philippines has touched your life or how you have become part of its mission of love in action.
Submit your Entry Here: https://forms.gle/cjRo889DyP66KvCs5 ” ayon sa mensahe ng Caritas Philippines.
Maitatampok din ang mga ito sa mas malawak na Caritas network, kabilang ang Caritas Internationalis at Caritas Asia.
Binigyang-diin ng Caritas Philippines na ang bawat kwento ay bahagi ng misyon ng Simbahan na isabuhay ang pag-ibig sa kapwa at maging daan ng pag-asa sa iba.
Kahanay naman ang patimpalak sa mensahe ni Pope Francis sa kaniyang ensiklikal na Fratelli Tutti tungkol sa pagpapatibay ng pagkakapatiran at pakikipagkaibigan sa lipunan, kung saan mahalaga ang pagbabahagi ng kwento at karanasan upang mapalalim ang pagkakaisa at malasakit sa kapwa.
“Top 5 stories will be featured across official Caritas Philippines platforms, showcased during major events, included in the Caritas PH Connects Storybank, and shared with the wider Caritas network—including Caritas Internationalis and Caritas Asia. Most importantly, your story becomes part of the Church’s mission of love in action. Tell your story. Share your hope. Inspire others,” ayon pa sa mensahe ng Caritas Philippines.
Hinihikayat ng Caritas Philippines ang kabataan na ibahagi ang kanilang kwento, ipakita ang kanilang pag-asa, at maging inspirasyon sa iba.
