10,843 total reads
Hati ang House Justice Commitee na buksan ang selyadong kahon na naglalaman ng mga dokumento ng income tax return ni Vice President Sara Duterte at asawa niyang si Atty. Manases Carpio.
Ayon kay Rep. Laurence Defensor at ML Partylist Representative Leila de Lima, marapat na buksan ang kahon upang masuri at matukoy ang katotohanan at maikumpura sa naging ulat ng Anti-Money Laundering Council.
Ayon pa kay Defensor, ang nilalaman ng selyading kahon ay maaring magpatibay ng probable cause ng impeachment case ng Bise Presidente o pumabor sa panig ng Bise Presidente.
Sa panig naman ni Manila Rep Bienvenido Abante, kinakailangan ang prudence o tamang pagpapsya ng komite lalu’t si Atty. Carpio ay isang pribadong indibidwal na dapat kilalanin ang right to privacy.
Giit pa ni Abante, hayaan na lamang ang paglilitis sa Senado upang maisiwalat ang nilalaman ng kahon.
Ang dokumento ay una na ring pina-subpoena ng justice panel, kaugnay sa pagpapatuloy ng impeachment proceeding laban sa Pangalawang Pangulo.
Sa ginawang botohan, 6 ang pumabor na buksan ang kahon, habang 38 naman ang hindi naman sumang-ayon.
Pinagtibay naman ng komite na mananatili ang ‘sealed box’ sa kustodiya ng Kamara.
Kabilang sa dumalo sa huling araw ng pagdinig ng Kamara sina Atty. Melvin Matibag – Director, National Bureau of Investigation (NBI); at Agent John Mark Calilung, Cybercrime Division, NBI.
Gayundin ang mga kinatawan ng
Saballa et al complaint na sina Atty. Amando Ligutan, Atty. Stephen Magallo -bilang mga counsels at complainants na sina Fr. Joel Saballa, Fr. Rogelio Rosario, MJ, Sr. Geraldine Denoga D.C., Ms. Pinky Tam at Fr. Joselito Sarabia, CM.
Bukod sa usapin ng pagbubukas ng kahon, partikular na tinalakay sa huling araw ng impeachment proceedings ang sinasabing ‘kill plot’ ni VP Duterte laban kina Pangulong Ferdinand Marcos Jr., First lady Liza Araneta-Marcos, at dating House Speaker Martin Romualdez.
