23,595 total views
Pinaigting ng Simbahang Katolika nang Pilipinas ang pag-apela ng tulong para sa mga biktima ng lindol sa Cebu.
Ibinahagi ni Apostolic Nuncio to the Philippines Archbishop Charles Brown, ang pakikiisa ni Pope Leo XIV, at Vatican sa mga biktima ng lindol.
Bukod sa patuloy na pananalangin ay tiniyak ni Archbishop Brown na gagawin ng Simbahang Katolika ang lahat na tulong upang mabilis na makabangon ang mga Cebuano mula sa trahedya.
“As your Apostolic Nuncio, and as I expressed to Archbishop Abet on the morning after the terrible earthquake, the Holy See (that is the Vatican and Pope Leo XIV) stands in solidarity to all of you in Cebu, especially in the northern part of the island who suffered this very very terrible and difficult earthquake. Just know that we are praying for you, we are working with you and we will do everything we can to help you recover very very quickly. May God bless you and be sure that we are praying for you,” ayon sa panayam ng Radyo Veritas kay Archbishop Brown.
Tiniyak naman ni Father Anton CT Pascual – Executive Director ng Caritas Manila ang ugnayan at pakikipagtulungan sa Social Arm ng Archdiocese of Cebu upang malaman ang mga pangangailagan ng mga biktima ng lindol.
Ayon kay Father Pascual, nakaalalay ang Caritas Manila katuwang ang mga benefactors sa relief, rehab at reconstruction upang maibsan ang paghihirap ng mga apektado ng 6.9 magnitude na lindol.
Inihayag ni Fr.Pascual na tutulong at susuporta ang social arm ng Archdiocese of Manila sa mahabang developmental program lalawigan ng Cebu upang ganap na makabangon sa trahedya.
“Tayo po’y nakipag-ugnayan nang direkta sa Cebu Caritas at mga donors ng Caritas Manila sa Cebu upang magtulong-tulong tayo at magbigkis tayo ng ating lakas at ng mga yaman, upang matulungan nating maibsan ang paghihirap ng mga tinamaan ng lindol. Tayo ay nakipag-ugnayan kay Archbishop Abet Uy, ang bagong Arsobispo ng Cebu, at ang kanilang Social Action head, Fr. Alex Cola Jr., para makatulong ang Caritas Manila sa tatlong R: Relief, Rehab, and Reconstruction. Mahalaga din po yung reconstruction, sapagkat napakaraming simbahan ang nadamage at delikado kung gagamitin ang mga simbahan na iyan. At may aftershock, baka maging peligroso sa mga mananampalataya. Kaya’t ito po ay isang mahabang developmental program, at inaasahan po ang lahat ng mga Pilipino” bahagi naman ng panayam ng Radyo Veritas kay Father Pascual.
