11,687 total views
Nagpahayag ng pakikiisa at suporta ang Conference of Major Superiors in the Philippines kay Pope Leo XIV sa panawagan nito para sa kapayapaan sa gitna ng lumalalang hidwaan sa mundo.
Sa kanilang pahayag, binigyang-diin ng samahan ng mga relihiyoso at relihiyosa ang kanilang misyon bilang mga lingkod ng Simbahan na maging tagapagtaguyod ng pagkakaisa at pag-asa.
“In a world wounded by conflict and division, we, as consecrated persons, are called to be witnesses of communion, hope, and peace.”
Binigyang-diin din ng grupo ang pakikiisa sa Santo Papa sa pagpapalaganap ng kapayapaan bilang isang bokasyon at hindi lamang mithiin.
Ito rin ang paninindigan ng CMSP laban sa pambabatikos ni US President Donald Trump kay Pope Leo XIV dahil sa patuloy na apela nito sa kapayapaan at pagtigil ng mga digmaan.
“United in prayer and mission, we stand with Pope Leo XIV in proclaiming that peace is not just a dream—it is our vocation.”
Hinimok din ng CMSP ang mga miyembro ng buhay konsagrado na gawing kongkretong patotoo ang kanilang panata sa paglilingkod sa Diyos sa pamamagitan ng pagsusulong ng paggaling at pagkakasundo sa lipunan.
“May our lives, vowed in service to God and His people, become instruments of healing in a broken world.”
Muling pinaalalahanan ang lahat sa aral ng ebanghelyo ni San Mateo na “Blessed are the peacemakers, for they shall be called children of God.” (Mt 5:9) na isang panawagan na isabuhay ang kapayapaan bilang tanda ng tunay na pagiging anak ng Diyos.
