10,483 total views
Lubhang nababahala si Cebu Archbishop Alberto Uy sa matinding pananalita at pahayag ng isang lider ng makapangyarihang bansa laban sa Santo Papa na ginagampanan lamang ang tungkulin bilang pastol.
Iginiit ng arsobispo na si Pope Leo XIV ay hindi isang personalidad na pampulitika kundi isang pastol na nagpapaalala sa mundo ng mahahalagang katotohanan tulad ng dignidad ng tao, kabanalan ng buhay, at panawagan sa kapayapaan.
“The Pope is, above all, a humble servant of God—one who carries the burden of reminding the world of truths that are often inconvenient, yet necessary: the dignity of every human person, the sacredness of life, and the urgent call to peace,” ayon sa pahayag ni Archbishop Uy.
Nilinaw ng arsobispo na ang pagsasalita ng punong pastol ng Simbahang Katolika ay nakabatay sa ebanghelyo na nagpapahayag ng kapayapaan.
“Pope Leo does not speak as a politician… The Church does not exist to compete for power, but to bear witness to truth,” dagdag ng arsobispo.
Binigyang-diin din ni Archbishop Uy na ang paninindigan ng Santo Papa ay hindi paghusga sa tao kundi pagtuligsa sa mga gawaing nagdudulot ng digmaan at kawalang-katarungan.
“When he raises his voice, it is not to condemn persons, but to challenge actions… that lead to suffering, injustice, and war,” giit ni Archbishop Uy.
Sinabi ng arsobispo na sa bawat sigalot at digmaan ay nagdurusa ang mamamayan lalo na ang mga inosenteng biktima tulad ng mga bata, matatanda, kababaihan, at mga kabilang sa mga mahihinang sektor ng lipunan.
Mariing nanindigan si Archbishop Uy sa kanyang suporta kay Pope Leo XIV sa kabila ng mga pambabatikos ni US President Donald Trump.
“I stand firmly with Pope Leo—not because of position or obligation, but out of conviction… a Church that… chooses peace even when the world chooses conflict,” paninindigan ni Archbishop Uy.
Giit ng arsobispo, higit ito sa usapin ng personalidad kundi sa direksyon ng sangkatauhan tungo sa landas ng katarungan, katotohanan, at kapayapaan.
Umaasa ang arsobispo na magbuklod ang sambayanan sa pagsusulong ng kapayapaan sa lipunan.
“May we have the humility to listen—not only to the voices of authority, but to the voice of conscience. And may that conscience lead us always toward peace,” ayon pa sa arsobispo.
