796 total reads
Nagpahayag ng suporta ang Council of the Laity ng Archdiocese of Manila sa panawagan ni Manila Apostolic Administrator Bishop Broderick Pabillo na pagkikipag-ugnayan ng pamahalaan sa Simbahan sa pagsasagawa ng plano na may kaugnayan sa mga gawaing pansimbahan.
Sa opisyal na pahayag ng Archdiocesan Commission on Lay Formation of the Laity and Christian Communities na pinangangasiwaan ni Rev. Fr. Rufino Sescon, Jr. ay binigyang diin ng mga layko sa arkidiyosesis na dapat na maunawaan ng pamahalaan na isang mahalagang bahagi ng pananampalatayang Katoliko ang paggunita ng Semana Santa.
“We support our Archdiocesan Apostolic Administrator, His Excellency, Bishop Broderick Pabillo’s discernment on his pastoral instruction “We Worship The Lord”, especially the reminder to follow the principle of subsidiarity to let parish priest, in consultation with lay leaders, to decide on matters of religious activities to celebrate this special occasion, with an ensured strict compliance to existing health protocols at all times.”pahayag ng Council of the Laity ng Archdiocese of Manila.
Ayon sa Council of the Laity ng Archdiocese of Manila, bagamat kaisa ng pamahalaan ang buong Simbahan sa pagnanais na mawakasan na ang pagkalat ng COVID-19 virus ay dapat ding ikunsedera ang posisyon ng Simbahan kung paano higit na maiaakma ang panuntunang ito sa pagpapamalas ng pananampalataya. Binigyang diin rin ng samahan ng mga layko ng Arkidiyosesis ng Maynila na higit na mahalaga ang paggunita ng Semana Santa ngayong taon dahil ginugunita ng Simbahang Katolika sa bansa ang ika-500 taon ng pagdating ng pananampalatang Kristiyano.
“While we understand the urgency of decision making in times of crisis, we respectfully request our government officials to consult and listen to stakeholders who would be affected by decisions prior to implementation.
We take as an example the Catholic church’s observance of Holy Week, especially the Holy Triduum of Holy Thursday, Good Friday, Easter Vigil and Easter Sunday.
This is the most important celebration in Christianity, made even more significant this year by the national commemoration of 500 Years of Christianity in our land.”paglilinaw ng samahan Ang Council of the Laity ng Archdiocese of Manila ay binubuo ng mga lay leaders ng 86 na parokya at mga komunidad na nasasakupan ng arkidiyosesis mula sa mga siyudad ng Maynila, Makati, Pasay, San Juan at Mandaluyong.
Kaugnay nito, matapos ang hindi pagkakasundo ay pinayagan na rin ng Inter Agency Task Force ang pagsasagawa ng religious gatherings na sampung porsiyento ng kapasidad ng simbahan ang maaring dumalo. Ipapatupad ang bagong panuntunan ng I-A-T-F mula a-uno hanggang ika-4 ng Abril, 2021.
