3,605 total views
Kinundena ng Federation of Free Farmers (FFF) ang hindi pagkilos ng Department of Agriculture (DA) sa kanilang petisyon para sa pagpapataw ng ‘safeguard duties’ laban sa imported na bigas upang maprotektahan ang mga lokal na magsasaka.
Ayon kay FFF National Manager Raul Montemayor, naghain sila kasama ang MAGSASAKA Party-List noong September 2025 ng petisyon sa ilalim ng ‘Safeguard Measures Act o Republic Act No. 8800’ kasunod ng pagdami ng rice imports na nagdulot ng pagbagsak ng presyo ng palay ngunit anim na buwan na ang lumipas wala pa ring aksyon ang DA.
Iginiit ni Montemayor na nakasaad sa batas na dapat makapaglabas ng desisyon ang kalihim ng Agrikultura sa loob ng 30 araw matapos tanggapin ang petisyon.
“Give imports after trade liberalization of our rice industry under the Rice Tariffication Law (RA 11203) in 2019. But, so far, the DA has refused to utilize a remedy that is readily available under RA 8800 and the rules of the World Trade Organization. For about nine months now, rice producers have been expecting the DA’s decision on our petition. Will the safeguard protection guaranteed by law turn out to be a “ghost” safety net?”, he asked,” mensahe ni Montemayor sa Radyo Veritas.
Binigyan diin ng F-F-F na mahalagang proteksyon sa mga magsasaka ang safeguard measures laban sa labis na pagpasok ng imported na bigas.
Nagbabala ang grupo na maging isang “multo” o hindi epektibong pananggalang ang proteksyong ipinagkakaloob ng batas kung hindi ito maipatutupad sa tamang panahon.
Kaugnay nito, patuloy na itinataguyod ng Simbahang Katolika ang pagsusulong ng katarungang pang-ekonomiya at pangangalaga sa kabuhayan ng mga maliliit na magsasaka.
Binibigyang-diin sa mga katuruan nina Pope Francis at Pope Leo XIV, ang kahalagahan ng pagprotekta sa mga sektor na higit na naaapektuhan ng kahirapan at hindi pantay na kalakaran sa ekonomiya upang matiyak ang dignidad ng paggawa at sapat na kabuhayan para sa lahat.(
