1,022 total views
Magsasagawa ng bloodletting activity ang Archdiocese of Manila bilang paggunita sa ika-70 kaarawan ni Manila Archbishop Jose Cardinal Advincula.
Tema nito ang “Dugo na Regalo mo, Buhay para sa Kapatid mo” na gaganapin sa March 28 hanggang 30, 2022.
“The Human Resource Development Department of the Roman Catholic Archbishop of Manila would like to appeal to you and to your relatives and friends, to donate blood… to commemorate the 70th birthday of our Archbishop, Jose F. Cardinal Advincula, D.D,” ayon sa liham ni Father Sanny de Claro, director ng RCAM-HRDD.
Ang bloodletting drive ay isasagawa sa Philippine Red Cross National Blood Center-Manila sa Bonifacio Drive, Port Area Manila sa March 28 hanggang 29 mula alas-8:30 ng umaga hanggang alas-4 ng hapon.
Habang sa March 30 naman ay isasagawa sa Fourth Floor, Arzobispado Building sa 121 Arzobispo Street, Intramuros Manila mula alas-nuebe ng umaga hanggang alas-tres ng hapon.
Ang nasabing gawain ay sa pakikipagtulungan ng Philippine National Red Cross.
Magugunita noong Hunyo nang nakaraang taon ay nagsagawa na rin ng bloodletting drive ang Arkidiyosesis bilang handog kay Cardinal Advincula na itinalagang ika-33 Arsobispo ng Maynila.
Para naman sa iba pang detalye, tumawag lamang sa mga numerong 8-527-3956 o sa 0936-926-6633 at hanapin si Joel Madronio.
